آندھرا میں کورونا مریضوں کی تعداد 40، حکومت نے تبلیغی اجتماع میں شریک افراد کی فہرست جاری کی

Source: S.O. News Service | Published on 1st April 2020, 2:33 PM | ملکی خبریں |

حیدرآباد،یکم اپریل(ایس او نیوز؍یواین آئی) اے پی میں کوروناوائرس کے مریضوں کی تعداد میں اچانک اضافہ ہوگیا ہے کیونکہ پیر کی شب 17افراد اس سے مثبت پائے گئے -اس طرح اس موذی مرض کے متاثرین کی تعداد 40ہوگئی-ریاست کے محکمہ صحت کے بلیٹن میں یہ بات بتائی گئی-

نئے 17مریضوں میں سے 14نے دہلی کے نظام الدین علاقہ میں 13تا15مارچ کے درمیان اجتماع میں شرکت کی تھی-ضلع پرکاشم میں سب سے زیادہ 8 معاملات درج کئے گئے ہیں جس کے بعد 5 معاملات گنٹورضلع،دو اننت پور،ایک ضلع کرشنا اور مشرقی گوداوری میں ایک معاملہ درج کیاگیا ہے -بلیٹن میں یہ بات بتائی گئی-

اس بلیٹن میں مزید کہا گیا کہ پیر کی شب 164 افراد کی جانچ کی گئی جن میں سے 147منفی پائے گئے -حکومت نے ان افراد کی فہرست جاری کی جنہوں نے اس تبلیغی اجتماع میں شرکت کی تھی-کم وبیش 711افراد کی نشاندہی کی گئی ہے اور طبی جانچ کے لئے ان کو اسپتالوں میں داخل کروایاگیا ہے -

وجیانگرم ضلع سے تین،وشاکھاپٹنم رورل سے ایک،وشاکھاپٹنم سٹی سے 41،مشرقی گوداوری سے 6،مغربی گوداوری سے 16،راجمندری سے 21،ضلع کرشنا سے 16،وجئے واڑہ سٹی سے 27،گنٹور اربن سے 45،گنٹور رورل سے 43افراد،پرکاشم ضلع سے 67،نیلور ضلع سے 68، کرنول ضلع سے 189،کڑپہ ضلع سے 59،اننت پورضلع سے 73،چتور ضلع سے 20 اور تروپتی سے 16افراد نے اس اجتماع میں شرکت کی تھی-اسی دوران ضلع نیلور میں 90افراد کو الگ تھلگ رکھاگیا-

اس اجتماع میں شریک افراد کی تفصیلات کے بعد پولیس نے ضلع کے مختلف مقامات سے کئی فراد کو الگ تھلگ وارڈ منتقل کردیاہے -ان افراد کی نشاندہی ان کی فہرست کے فون نمبروں کی بنیاد پر کی گئی-ان افراد نے تین دن تک دہلی کے مرکز میں قیام کیا تھا-

پولیس کے ایک سینئرعہدیدار نے بتایا کہ ان افراد کو الگ تھلگ مرکز منتقل کیاگیا ہے اور ان کے طبی معائنے کئے جارہے ہیں - عہدیداروں کا کہنا ہے کہ ان میں رائل سیماخطہ سے تعلق رکھنے والے افراد بھی شامل ہیں -

ایک نظر اس پر بھی

منگلورو ایئر پورٹ پر بم رکھنے کا معاملہ ؛ ملزم آدتیہ راؤ سے پوچھ تاچھ کیلئے مرکزی وزارت داخلہ سے اجازت کا انتظار

گودی میڈیا نے منگلورو ایئر پورٹ پر بم رکھ کر تہلکہ مچانے والے سنگھ پریوار سے جڑے نوجوان آدتیہ راؤ کے معاملہ پر پوری طرح اب تک خاموشی اختیار رکھی ہے اور اب تک اس سلسلہ میں کوئی خبر ہی نہیں دی گئی تھی، اس معاملہ پر پردہ ڈالنے کی بھی کوشش جاری ہے ،

مزدوروں کا 85 فیصد ریل کرایہ مرکز کے ذریعہ ادا کرنے کا جھوٹ عدالت میں بے نقاب

مہاجر مزدوروں کو ان کے آبائی وطن روانہ کرنے کے لیے ریلوے کا 85 فیصد کرایہ مرکزی حکومت کی جانب سے ادا کیے جانے کا بی جے پی کاجھوٹ آج اس وقت بے نقاب ہوگیا جب سپریم کورٹ کے روبرو مرکزی حکومت کے سالیسٹر جنرل تشار مہتہ نے اس بات کا اعتراف کیا کہ ریلوے کرائے کا پورا خرچ ریاستی حکومتوں ...

بنگال بی جے پی صدردلیپ گھوش کا شرمناک بیان، کہا ”ٹرینوں میں مزدوروں کی موت معمولی واقعہ“

مغربی بنگال بی جے پی کے صدر دلیپ گھوش نے شرمک اسپیشل ٹرین میں بھوک اور پیاس کی وجہ سے ہونے والی اموات کو 'معمولی اور چھوٹا' واقعہ قرار دیتے ہوئے کہا ہے کہ اس کے لیے انڈین ریلوے کو ذمہ دار نہیں ٹھہرایا جا سکتا۔ انہوں نے کہا کہ اپوزیشن جماعتیں اس چھوٹے سے واقعے کو حد سے زیادہ حساس ...