آندھرا پردیش اسمبلی انتخا بات میں تیلگو دیشم پارٹی کو بھاری شکست کےآثار؛ جگن موہن ریڈی کی وائی ایس آر کانگریس کو مل رہی ہے شاندار کامیابی

Source: S.O. News Service | By I.G. Bhatkali | Published on 23rd May 2019, 1:23 PM | ملکی خبریں |

بھٹکل 23/مئی (ایس او نیوز) آندھرا پردیش میں اسمبلی انتخابات  کے ووٹوں کی گنتی جاری ہے، مگر دوپہر تک ملی اطلاع کے مطابق  یہاں وائی ایس آر کانگریس کے جگن موہن ریڈی بھاری جیت درج کرتے نظر آرہے ہیں اور برسراقتدار پارٹی تیلگودیشم صرف 23 سیٹوں پر سمیٹتی نظر آرہی ہے۔یہاں صرف ان ہی دو پارٹیوں کے درمیان راست مقابلہ دیکھنے کو ملا ہے ، جبکہ بی جے پی اور کانگریس  کے اُمیدوار کنارے چلے گئے ہیں۔ دوپہر ایک بجے تک ملی اطلاع کے مطابق   وائی ایس آر کانگریس 152 سیٹوں پر آگے چل رہی تھی۔

میڈیا کی خبروں پر بھروسہ کریں تو  تیلگو دیشم پارٹی کے چیف  چندرابابو نائیڈو آج شام کو ہی  وزیراعلیٰ کے عہدہ سے استعفیٰ دیں گے جبکہ  اندھرا پردیش کی کمان سنبھالنے کے لئے  جگن موہن ریڈی  اپنے   حامیوں کے ساتھ  میٹنگ کرنے میں مصروف ہیں کہ کب   تاجپوشی کی رسم ادا کی جائے۔ذرائع کی مانیں تو  25مئی کواس تعلق سے پارٹی میٹنگ منعقد ہوگی اور 30 مئی کو  جگن موہن ریڈی  وزیراعلیٰ کا حلف لے سکتے ہیں۔

ذرائع کے مطابق اندھرا پردیش کے وزیراعلیٰ این چندرابابو نائیڈو خود بھی کوپّم اسمبلی حلقہ میں  ہار رہے ہیں۔ اطلاع کے مطابق  وہ وائی ایس آر کانگریس کے اُمیدوار کرشنا چندرا مولی کے مقابلے میں صرف 67 ووٹوں سے پیچھے چل رہے تھے۔

خیال رہے کہ  سن 2014 میں ہوئے انتخابات میں این چندرابابو نائیڈو کی قیادت والی  تیلگو دیشم پارٹی  نے 103 سیٹوں پر کامیابی حاصل کی تھی۔

اس بار یہاں اسمبلی کی 175 اور لوک سبھا کی  25 سیٹوں کے لئے  11 اپریل کو ایک ہی مرحلہ میں انتخابات منعقد ہوئے تھے اور 79.88 فیصد پولنگ ریکارڈ کی گئی تھی۔

خیال رہے کہ لوک سبھا کی سبھی 25 سیٹوں پر بھی  وائی ایس آر کانگریس  قبضہ جماتی نظر آرہی ہے۔

 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...