نئی دہلی،14اگست(ایس او نیوز/آئی این ایس انڈیا)آندھرا پردیش کے پرکاشم ضلع میں بجلی گرنے سے تین بچوں کی موت ہو گئی۔کوپرپام میں آج صبح قریب 7 بجے یہ حادثہ ہوا۔پولیس نے مقدمہ درج کرکے تحقیقات شروع کر دی ہے۔محکمہ جاتی غفلت کی وجہ سے آئے دن کرنٹ لگنے کے معاملے سامنے آتے ہیں۔بارش کے موسم میں بجلی کے جھٹکوں سے اموات کے اعداد و شمار بڑھ جاتے ہیں،بارش کے دنوں میں بجلی محکمہ کا لچر نظام آئے دن سامنے آتا ہے۔پرکاشم ضلع میں ہوئے اس حادثے کی تحقیقات میں پولیس لگی ہوئی ہے۔اس سے پہلے ہریانہ کے پچکولا میں کمار سوامی کے گفتگو پروگرام میں شامل ہونے آئے ایک پولیس افسر کی کرنٹ لگنے سے موت ہو گئی تھی۔ مرنے والے سریندر کمار چندی گڑھ پولیس میں سب انسپکٹر کے عہدے پر تعینات تھے۔ تقریب ختم ہونے کے بعد سریندر کمار بھاری بارش کی وجہ سے خیمے کے اندر ہی ٹھہرے رہے،خیموں میں کرنٹ آنے سے ان کی موت ہو گئی۔