آندھرا پردیش میں بارش اور سیلاب سے تباہی، 25 اموات

Source: S.O. News Service | Published on 21st November 2021, 4:35 PM | ملکی خبریں | ان خبروں کو پڑھنا مت بھولئے |

نئی دہلی،21؍نومبر(ایس او نیوز؍ایجنسی) آندھرا پردیش میں بھاری بارش اور سیلابی صورت حال کے پیش نظر بھاری جانی اور مالی نقصان ہوا ہے، متعدد افراد لاپتہ بھی بتائے جا رہے ہیں۔ ریاست کے کڈپا، اننت پور اور چتور اضلاع میں ہفتہ تک شدید بارش اور سیلاب کی وجہ سے کم از کم 25 لوگوں کی موت ہو چکی ہے۔ جبکہ 17 افراد لاپتہ ہو گئے ہیں۔

کانگریس لیڈر راہل گاندھی نے آندھرا پردیش کے مختلف حصوں میں سیلاب سے ہونے والے جانی نقصان پر افسوس کا اظہار کیا اور پارٹی کارکنوں سے سیلاب سے متاثرہ لوگوں کی ہر ممکن مدد کرنے کی اپیل کی۔

اتوار کو ایک ٹوئٹ میں راہل گاندھی نے کہا ’’آندھرا پردیش میں سیلاب کی وجہ سے بھاری نقصان ہوا ہے۔ جن لوگوں نے اپنے پیاروں کو کھو دیا ہے ان کے لئے میری تعزیت ہے۔ کانگریس کے پیارے کارکنان، براہ کرم لوگوں کی ہر ممکن مدد کریں۔‘‘

حکومت آندھرا پردیش کے مطابق انڈین ایئر فورس، این ڈی آر ایف، ایس ڈی آر ایف، پولیس اور آگ بجھانے والے عملہ نے مختلف اضلاع میں تقریباً 64 افراد کی جان بچائی ہے۔

ہفتہ کے روز اگرچہ بارش قدر کم ہوئی لیکن لوگوں کو زیادہ راحت نصیب نہیں ہو سکی کیونکہ کئی بستیاں اچانک آنے والے سیلاب کے پانی کی نذر ہو گئی۔ تروپتی شہر کے حالات بھی خراب نظر آ رہے ہیں۔

آندھرا پردیش کے وزیر اعلیٰ وائی ایس جگن موہن ریڈی نے کڈپا، اننت پورا اور چتور اضلاع میں نقصان کا اندازہ لگانے کے لیے فضائی سروے کیا۔ وزیر اعلیٰ نے حکام سے کہا ہے کہ وہ سیلاب کا پانی کم ہوتے ہی فصلوں کے نقصان کا جائزہ لیں۔ حکومت نے سیلاب میں ہلاک ہونے والے ہر فرد کے لواحقین کو پانچ پانچ لاکھ روپے معاوضہ دینے کا اعلان کیا ہے۔

ایک نظر اس پر بھی

حجاب کیس: ججوں کو دھمکیاں دینے والے شخص کی درخواست ضمانت مسترد

بنگلورو کی ایک سیشن عدالت نے تمل ناڈو کے ترونیل ویلی سے تعلق رکھنے والے رحمت اللہ کی ضمانت کی درخواست مسترد کر دی ہے، جو حال ہی میں کلاس رومز میں حجاب پہننے پر فیصلہ سنانے والے کرناٹک ہائی کورٹ کے ججوں کی جان کو مبینہ طور پر خطرے میں ڈالنے کے الزام میں عدالتی حراست میں ہے۔ سٹی ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...

کانگریس ’شیور‘ کے بعد مرکزی حکومت کو دباؤ میں پٹرول اور ڈیزل کی قیمتوں کو گھٹانے کا فیصلہ کرنا پڑا: اشوک گہلوت

راجستھان کے وزیر اعلی اشوک گہلوت نے کہا ہے کہ کانگریس کی طرف سے مہنگائی کے خلاف احتجاج اور اور ادے پور میں اس کے نوسنکلپ شیور کےعوامی بیداری مہم کے دباؤ میں مرکزی حکومت کو پٹرول اور ڈیزل پر ایکسائز ڈیوٹی کو کم کرنے کا فیصلہ کرنا پڑا۔

مدھیہ پردیش: مسلم ہونے کے شبہ میں جین بزرگ کا پیٹ پیٹ کر قتل

مدھیہ پردیش کے رتلام ضلع میں بزرگ کا پیٹ پیٹ کر قتل کیے جانے کا معاملہ سامنے آیا ہے۔ الزام ہے کہ ضلع کے سب سے بزرگ سرپنچ پستا بائی چتّر کے بڑے بیٹے بھنور لال جین کو مسلمان ہونے کے شبہ میں موت کے گھاٹ اتار دیا گیا۔