ممبئی25اکتوبر(آئی این ایس انڈیا)بالی ووڈ اداکارہ اننیا پانڈے منشیات سے متعلق کیس میں گرفتار آرین خان کے ساتھ مبینہ واٹس ایپ چیٹ کے سلسلے میں پوچھ گچھ کے لیے پیر کو یہاں نارکوٹکس کنٹرول بیورو (این سی بی) کے سامنے پیش نہیں ہوئیں۔ ایک عہدیدار نے یہ معلومات دی ہیں۔آرین بالی ووڈ کے سپر سٹار شاہ رخ خان کے بیٹے ہیں۔ این سی بی نے اننیاسے پچھلے ہفتے دو دن پوچھ گچھ کی تھی اور انھیں پیر کو دوبارہ بلایا گیا تھا۔عہدیدار نے بتایا کہ اسے پیر کی صبح تقریباََ11 بجے ایجنسی کے سامنے پیش ہونا تھا لیکن وہ تیسرے دور کی پوچھ گچھ کے لیے حاضر نہیں ہوئیں۔اس سے قبل ذرائع نے بتایا ہے کہ جمعہ کے روز اننیا سے آریان خان کے ساتھ مبینہ واٹس ایپ چیٹ پر تقریباََچار گھنٹے تک پوچھ گچھ کی گئی۔ 22 سالہ اداکارہ، جنہوں نے 2019 میں ہندی سنیما میں قدم رکھا، جمعرات کو تقریباََ دو گھنٹے تک پوچھ گچھ کی۔آرین خان اس وقت عدالتی تحویل میں جیل میں ہیں اور ان کی ضمانت کی درخواست پر منگل کوبمبئی ہائی کورٹ میں سماعت ہونے کا امکان ہے۔ذرائع کا کہنا ہے کہ کیس کی تحقیقات کے دوران این سی بی کو اننیا اور آرین کے درمیان واٹس ایپ چیٹ کے اقتباسات ملے۔ عہدیدار اس بارے میں مزید معلومات جمع کرنا چاہتے ہیں لہٰذا ایجنسی نے انیناکوپوچھ گچھ کے لیے بلایا۔جمعرات کو این سی بی نے اننیا کا لیپ ٹاپ اور موبائل فون ضبط کر لیا۔