گاندھی جی پر ہتک آمیز بیان کے بعد اننت کمار ہیگڈے نے معافی مانگنے سے کیا انکار؛ ہیگڈے کے خلاف دیش سے غداری کا مقدمہ درج کرنے کانگریس کا مطالبہ

Source: S.O. News Service | By I.G. Bhatkali | Published on 4th February 2020, 10:12 PM | ساحلی خبریں | ریاستی خبریں | ملکی خبریں | اسپیشل رپورٹس |

بھٹکل 4/فروری (ایس او نیوز) دوتین دن قبل ملک کی جدوجہد آزادی میں گاندھی جی کے کردار پر سوال اٹھاتے ہوئے بی جے پی کے رکن پارلیمان اننت کمار ہیگڈے نے بنگلور میں منعقدہ ایک عوامی اجلاس میں  بابائے قوم کا خطاب رکھنے والی گاندھی کی شخصیت کو اپنے طنز اور مذاق کا نشانہ بنایا تھا جس کے بعد بی جے پی ہائی کمان نے انہیں  معافی مانگنے کا حکم دیا تھا، مگر  تازہ خبر یہ ہے کہ  اننت کمار ہیگڈے نے معافی مانگنے سے انکار کردیا ہے  اور کہا ہے کہ انہوں نے اپنے خطاب میں گاندھی کا نام ہی نہیں لیا ہے، ان کا یہ بھی کہنا ہے کہ انہوں نے نہ گاندھی کے خلاف کوئی تبصرہ کیا اور نہ ہی کسی کا نام لے کر کچھ کہا ہے، انہوں نے  اپنی ہانڈی میڈیا پر پھوڑتےہوئے کہا ہے کہ یہ سب کچھ میڈیا کا کیا دھرا ہے جنہوں نے ان کے بیان کو توڑ مروڑ کر پیش کیا ہے۔

خیال رہے کہ   بی جے پی نے اپنے رکن پارلیمان اننت کمار ہیگڈے کو وجہ بتاؤ نوٹس جاری کرتے ہوئے پوچھا تھا  کہ ان کے خلاف  تادیبی کارروائی کیوں نہیں کی جائے۔اس کے علاوہ وزیراعظم نریندر مودی کی طرف سے بھی سخت ناراضگی ظاہر کی گئی تھی جس کے بعد اننت کمار ہیگڈے کو بی جے پی کی پارلیمانی کمیٹی کی میٹنگ سے باہر رکھے جانے کی بھی با ت سنائی دے رہی ہے۔

 لیکن ان سب کے درمیان خبر یہ بھی ملی ہے کہ  بی جے پی کے ریاستی صدر اور رکن پارلیمان نلین کمار کٹیل نے بنگلورو سے دہلی کے لئے روانہ ہونے سے قبل اننت کمار ہیگڈے سے ملاقات کی تھی۔ انہوں نے بتایا کہ”گاندھی کے سلسلے میں ہتک آمیزبیان پر گفتگو ہوئی۔  جس میں اننت کمار ہیگڈے نے اُنہیں بتایا کہ انہوں نے پارٹی کے قومی صدر جے پی ندّا کو اپنا وضاحتی جواب بھیج دیا ہے“

باخبر ذرائع سے پتہ چلاہے کہ ریاستی صدر نلین کمار کٹیل کی تمام کوشش ناکا م ہوگئی ہے اور اننت کمار ہیگڈے نے کسی بھی حالت میں اپنا متنازع بیان واپس لینے یا معافی مانگنے  سے انکار کردیا ہے۔اور صاف طور پر کہہ دیا ہے کہ میں نے نوٹس کا جواب دے دیا ہے۔ اب پارٹی جو فیصلہ کرنا چاہتی ہے کرنے دو۔ میں اپنا موقف بدلنے والا نہیں ہوں۔ بتایا جارہا ہے کہ اب پارٹی کے قومی صدر اس سلسلے میں ضابطے کے مطابق ضروری کارروائی کریں گے۔

اننت کمار ہیگڈے کے متنازعہ بیان پر سیاسی گلیاروں میں اور خاص کر کانگریس پارٹی کی طرف سے شدید ردعمل جاری ہے۔   کانگریس پارٹی نے مرکزی حکومت سے مطالبہ کیا ہے کہ اننت کمار ہیگڈے کے خلاف ملک سے غداری کا معاملہ درج کیاجائے۔اس کے علاوہ یہ مانگ بھی کی جارہی ہے کہ اپنے سابق وزیر کے اس رکیک بیان پر وزیر اعظم نریندرا مودی خود قوم سے معافی مانگیں۔ کانگریسی لیڈر آنند شرما نے کہا ہے کہ پارلیمانی سیشن میں پہنچ کر خود اننت کمار ہیگڈے کو اپنے بیان کے سلسلے میں وضاحت کرنی چاہیے اور وزیراعظم مودی کو یہ بتانا ہوگا کہ ان کی  عقیدت مہاتما گاندھی کے ساتھ ہے یا پھر گوڈسے کے ساتھ ہے۔

 کانگریسی لیڈر اور سپریم کورٹ کے وکیل برجیش کالپّا نے لوک سبھا اسپیکراوم برلا کے پاس رکن پارلیمان اننت کمار ہیگڈے کے خلاف تحریری شکایت درج کی ہے۔اس میں انہوں نے کہا ہے کہ ”رکن پارلیمان رہتے ہوئے اننت کمار ہیگڈے جس طرح کے بیانات عوام کے درمیان دے رہے ہیں، اس پر غور کرنے سے ایسا لگتا ہے کہ ان کے ساتھ کوئی بہت ہی گہری دماغی خرابی پید اہوگئی ہے۔ اور دستور ہند کی دفعہ 102کے تحت ایسے شخص کو رکن پارلیمان بنے رہنے کاحق نہیں ہوتا جس کا دماغی توازن بگڑ گیا ہو۔اس وجہ سے شمالی کینرا کی پارلیمانی سیٹ خالی ہوجانے کا اعلان کردیاجائے۔“

 راجستھان کے وزیر اعلیٰ اشوک گہلوت نے اس تنازع پر تبصرہ کرتے ہوئے کہا کہ ”بی جے پی کو جنگ آزادی کے سلسلے میں کوئی رشک اور فخر نہیں ہے۔ وہ تو صرف دکھانے کے لئے گاندھی کے نام کا استعمال کرتے ہیں۔

خیال رہے کہ  اننت کمار ہیگڈے کا نام وقفہ وقفہ سے اپنے جارحانہ اور فرقہ وارانہ بیانات کی وجہ سے سرخیوں میں آتارہتا ہے۔ کبھی اپنے ٹویٹر ہینڈل سے گاندھی کے قاتل گوڈسے کی ستائش کرنے کے بعد پھر وہ کہتے ہیں کہ ٹویٹر اکاؤنٹ ہیاک ہوگیا تھا۔ کبھی ملک کا دستور بدلنے کی بات کہنے کے بعد پارلیمنٹ میں معافی مانگنی پڑتی ہے۔ کبھی ہندولڑکیوں کو چھونے والوں کے ہاتھ کاٹ دینے پر ہندو نوجوانوں کو اکساتے ہیں تو کبھی دہشت گردی ختم کرنے کے لئے دنیا سے اسلام کو ہی مٹانے کی آواز لگاتے ہیں۔کبھی اپنی ہی مرکزی حکومت کے خلاف بیان دیتے ہوئے کہتے ہیں کہ مرکزی فنڈ کے 40کروڑ روپے واپس دہلی لے جانے کے لئے بی جے پی نے جان بوجھ کرمہاراشٹرا میں 80 گھنٹوں کے لئے اپنی حکومت قائم کی تھی۔کبھی وہ عقلیت پسند دانشوروں کے خلاف زبانی طور پررکیک حملے کرتے ہیں توکبھی اسپتال میں گھس کر غنڈوں کی طرح ڈاکٹروں پر حملہ کرتے ہوئے سی سی کیمرے میں قید ہوجاتے ہیں۔اس طرح اننت کمار ہیگڈے کانام اختلافات اور تنازعات کو جنم دینے والی ایک جارحانہ شخصیت کی علامت بن کر رہ گیا ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

نئی زندگی چاہتا ہے بھٹکل کا صدیوں پرانا 'جمبور مٹھ تالاب'

بھٹکل کے اسار کیری، سونارکیری، بندر روڈ، ڈارنٹا سمیت کئی دیگر علاقوں کے لئے قدیم زمانے سے پینے اور استعمال کے صاف ستھرے پانی کا ایک اہم ذریعہ رہنے والے 'جمبور مٹھ تالاب' میں کچرے اور مٹی کے ڈھیر کی وجہ سے پانی کی مقدار بالکل کم ہوتی جا رہی ہے اور افسران کی بے توجہی کی وجہ سے پانی ...

بڑھتی نفرت کم ہوتی جمہوریت  ........ ڈاکٹر مظفر حسین غزالی

ملک میں عام انتخابات کی تاریخوں کا اعلان ہونے والا ہے ۔ انتخابی کمیشن الیکشن کی تاریخوں کے اعلان سے قبل تیاریوں میں مصروف ہے ۔ ملک میں کتنے ووٹرز ہیں، پچھلی بار سے اس بار کتنے نئے ووٹرز شامل ہوئے، نوجوان ووٹرز کی تعداد کتنی ہے، ایسے تمام اعداد و شمار آرہے ہیں ۔ سیاسی جماعتیں ...

مالی فراڈ کا نیا گھوٹالہ : "پِگ بُوچرنگ" - گزشتہ ایک سال میں 66 فیصد ہندوستانی ہوئے فریب کاری کا شکار۔۔۔۔۔۔۔(ایک تحقیقاتی رپورٹ)

ایکسپوژر مینجمنٹ کمپنی 'ٹینیبل' نے ایک نئی رپورٹ جاری کی ہے جس میں یہ انکشاف کیا گیا ہے کہ پچھلے سال تقریباً دو تہائی (66 فیصد) ہندوستانی افراد آن لائن ڈیٹنگ یا رومانس اسکینڈل کا شکار ہوئے ہیں، جن میں سے 81 فیصد کو مالی نقصان کا سامنا کرنا پڑا ہے۔

مسلمان ہونا اب اس ملک میں گناہ ہے۔۔۔۔۔۔۔۔از: ظفر آغا

انہدام اب ایک ’فیشن‘ بنتا جا رہا ہے۔ یہ ہم نہیں کہہ رہے بلکہ یہ مدھیہ پردیش ہائی کورٹ کا بیان ہے۔ بے شک مکان ہو یا دوکان ہو، ان کو بلڈوزر کے ذریعہ ڈھا دینا اب بی جے پی حکومت کے لیے ایک فیشن بن چکا ہے۔ لیکن عموماً اس فیشن کا نشانہ مسلم اقلیتی طبقہ ہی بنتا ہے۔ اس کی تازہ ترین مثال ...

کیا وزیرمنکال وئیدیا اندھوں کے شہر میں آئینے بیچ رہے ہیں ؟ بھٹکل کے مسلمان قابل ستائش ۔۔۔۔۔ (کراولی منجاو کی خصوصی رپورٹ)

ضلع نگراں کاروزیر منکال وئیدیا کا کہنا ہے کہ کاروار میں ہر سال منعقد ہونےو الے کراولی اتسوا میں دیری اس لئے ہورہی ہے کہ  وزیرا علیٰ کا وقت طئے نہیں ہورہاہے۔ جب کہ  ضلع نگراں کار وزیر اس سے پہلے بھی آئی آر بی شاہراہ کی جدوجہد کےلئے عوامی تعاون حاصل نہیں ہونے کا بہانہ بتاتے ہوئے ...

اترکنڑا میں جاری رہے گی منکال وئیدیا کی مٹھوں کی سیاست؛ ایک اور مندر کی تعمیر کے لئے قوت دیں گے وزیر۔۔۔(کراولی منجاؤ کی خصوصی رپورٹ)

ریاست کے مختلف علاقوں میں مٹھوں کی سیاست بڑے زورو شور سے ہوتی رہی ہے لیکن اترکنڑا ضلع اوراس کے ساحلی علاقے مٹھوں والی سیاست سے دورہی تھے لیکن اب محسوس ہورہاہے کہ مٹھ کی سیاست ضلع کے ساحلی علاقوں پر رفتار پکڑرہی ہے۔ یہاں خاص بات یہ ہےکہ مٹھوں کے رابطہ سے سیاست میں کامیابی کے ...