من چاہے جس کو ووٹ دو، مگر انتخاب کا بائیکاٹ نہ کرو۔ مرکزی وزیر اننت کمار ہیگڈے نے کی نصیحت

Source: S.O. News Service | By Shahid Mukhtesar | Published on 26th March 2019, 9:22 PM | ساحلی خبریں |

منڈگوڈ26؍مارچ ( ایس او نیوز) جب زبان کھلے تو ہمیشہ متنازع باتیں کرنے والے اننت کمار ہیگڈے نے پتہ نہیں کیسے منڈگوڈ میں انتخابات سے متعلق عوام کو بڑے ہی شریفانہ انداز میں نصیحت کی ہے۔ 

بتایاجاتا ہے کہ منڈگوڈ کے توگرلّی گرام میں بی جے پی کارکنان کے ساتھ مرکزی وزیر اننت کمار کا ایک اجلاس منعقد تھا۔ اس وقت بیکّوڈ گرام کے بہت سارے جنگل واسی اور اتی کرمن کسان وہاں موجود تھے۔ ان کسانوں نے اپنی شکایت سامنے رکھتے ہوئے کہا کہ گزشتہ آٹھ دس دہائیوں سے ہم لوگ جنگلاتی زمین پر قبضہ کرکے زندگی بسر کررہے ہیں، مگر آج تک اس زمین پر ہمیں قانونی حقوق نہیں دئے گئے ہیں۔کئی بارزمین کے مالکانہ حقوق کے لئے ہم نے درخواستیں دی ہیں، مگر ہر بار اسے مسترد کیا جاتا ہے۔اس لئے جب تک ہمارے لئے زمین کے مالکانہ حقوق نہیں دئے جاتے تب تک ہم نے انتخابی عمل کا بائیکاٹ کرنے کا فیصلہ کیا ہے۔اورمیمورنڈم کے ذریعے ہمارے اس فیصلے سے ہم نے تحصیلدار کو بھی آگاہ کردیا ہے۔

اس بات پر مشتعل ہونے کے بجائے مرکزی وزیر اننت کمار نے بڑے تحمل سے جواب دیتے ہوئے کہا کہ آپ سب لوگ ہمارے اپنے ہو اس لئے میں یہ مشورہ دے رہا ہوں کہ جمہوریت میں ووٹ دینا چاہیے۔ آپ جس پارٹی کو من چاہے اس پارٹی کو ووٹ دو ، لیکن کسی بھی صورت میں انتخاب کا بائیکاٹ نہ کرو۔ جنگلاتی زمین کے حقوق کے لئے جو عرضیاں دی گئی تھیں وہ سال 2006کے قانون کے مطابق تھیں۔ اب مرکزی حکومت اس سلسلے میں نیا قانون بنانے جارہی ہے۔اس لئے آپ لوگ انتخابات کا بائیکاٹ نہ کریں۔
 

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...