ملک کو مزید بہترین سنگلزکھلاڑیوں کی ضرورت ہے: امرت راج

Source: S.O. News Service | By S O News | Published on 23rd September 2018, 9:37 PM | اسپورٹس |

چنئی ،23؍ ستمبر (آئی این ایس انڈیا/ایس او نیوز)   ہندوستان کے عظیم ٹینس کھلاڑی وجے امرت راج نے کہا کہ ملک کو اگر دنیا میں ایلیٹ گروپ میں شامل ہونا ہے تو اسے بہترین سنگلز کھلاڑیوں کو تیار کرنے کی ضرورت ہے۔ ہندوستان کو حال میں ڈیوس عالمی گروپ پلے آف میچ میں سربیا سے 0-4 سے شکست کا منہ دیکھنا پڑا اور امرت راج کو لگتا ہے کہ ملک میں بہترین سنگلز کھلاڑیوں کی کمی ہے۔امرت راج نے کہاکہ پوری توجہ ہندوستان کے لیے ایک کھلاڑیوں کو تیار کرنے پر ہونی چاہئے۔ہمارے پاس چار اچھے سنگلزکھلاڑی ہونے چاہئے۔اچھا ڈبلزکھلاڑی ہونے کا کوئی مطلب نہیں ہے۔ہمارے پاس اتنی تعداد میں اچھے سنگلز کھلاڑی نہیں ہیں اس لئے ہم ایلیٹ گروپ کے لئے کوالیفائی نہیں کر پاتے۔ہندوستان ابھی 18 ٹیم کے ڈیوس کپ فائنلس کیلئے کوالیفائی کرنے کی مہم کے تحت اگلے سال فروری میں 24 ٹیم کی کوالیفائنگ مقابلے (ملکی اور غیر ملکی سرزمین کی شکل میں) میں کھیلے گا۔رام کمار رامناتھن اور یوکی بھامبری جیسے کھلاڑیوں کی کارکردگی کے بارے میں انہوں نے کہا کہ ان نوجوانوں نے اچھی کارکردگی کی ہے لیکن انہیں اپنی فٹنس پر کام کرنے کی ضرورت ہے۔امرت راج نے کہاکہ یوکی نے کافی اچھی کارکردگی دکھائی ہے۔لیکن مسئلہ یہ ہے کہ وہ اب بھی پورے ایک سال نہیں کھیل پاتے۔وہ پورا سیشن کھیلنے کے لیے فٹ نہیں ہے، یہی فکر کی بات ہے۔ اسے اپنی فٹنس پر کام کرنے کی ضرورت ہے۔اسی طرح رامکمار نے کچھ ٹورنامنٹ میں اچھی کارکردگی کی ہے، وہ نیوپورٹ کے فائنل میں پہنچا لیکن اسے بھی کافی فٹ ہونے کی ضرورت ہے۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...