بھٹکل مسلم اسوسی ایشن ریاض کے لئے عہدیداران کا انتخاب؛ عمار قاضیا صدر اور ذُھیب پیشمام جنرل سکریٹری منتخب
ریاض 20 ستمبر (ایس او نیوز) بھٹکل مسلم اسوسی ایشن ریاض (سعودی عربیہ ) کے لئے عمار قاضیا صدر اور ذُھیب پیشمام جنرل سکریٹری کے عہدہ پر منتخب ہوگئے، جبکہ عقبہ لنکا نائب صدر، ارشاد احمد شیخ نائب سکریٹری، سید فہد لنکا محاسب و خازن اور نصیف ائیکری کو جماعت کے ترجمان کے طور پر منتخب کیا گیا۔ عہدیداران کے انتخاب کے لئے مورخہ 17 ستمبر کو جماعت کے سرپرست جناب عبدالعلیم قاضیا کی صدارت میں جلسہ کا انعقاد کیا گیا تھا۔
قریب ڈیڑھ سو ممبران پر مشتمل جماعت کے انتخابات 3 ستمبر کو منعقد ہوئے تھے جس میں 12 اراکین کا انتخاب کیا گیا تھا، تحلیل شدہ انتظامیہ میں سے تین اراکین کو منتخب کیا گیا تھا، اب صدر کو ے دو مزید اراکین کو انتظامیہ میں شا مل کرنے کا اختیاررہے گا۔ اس طرح ایک سرپرست کےبشمول جماعت میں 18 اراکین انتظامیہ ہیں۔
جماعت کے نو منتخب عہدیداران کو بھٹکل کے مختلف اداروں اور جماعتوں کی جانب سے مبارکباد پیش کی گئی ہیں اور نیک خواہشات کا اظہار کیا گیا ہے۔