عدالت میں درخواست داخل ہوتے ہی امیتابھ بچن کی آوازکالرٹیون سے ہٹائی گئی
نئی دہلی18جنوری(آئی این ایس انڈیا) امیتابھ بچن کی کالرٹیون کی آوازکے خلاف عدالت میں درخواست دی گئی تووہ آوازہٹادی گئی ہے۔اوراب حکومت نے صفائی دی ہے کہ جب آوازہٹادی گئی ہے توشکایت کاجوازنہیں باقی رہتاہے۔اس سے عام لوگوں کوکافی پریشانی کاسامناکرناپڑتاتھا،اگرکہیں ضروری کال لگانی ہوتوایک منٹ تک لکچرسنناپڑتا،جب کہ خودامیتابھ بچن پورے خاندان کے ساتھ کوویڈسے متاثرہوچکے ہیں،لیکن کوویڈسے بچاؤکے لیے وہ احتیاطی اقدامات بتارہے ہیں۔
حکومت نے اب کہاہے کہ دہلی ہائی کورٹ کو پیر کو بتایا گیا کہ اداکار امیتابھ بچن کی آواز کالرٹیون سے ہٹا دی گئی ہے کہ اس کے خاتمے کے خواہاں پی آئی ایل کا جواز باقی نہیں بچاہے۔ مذکورہ کالرٹیون کورونا وائرس سے بچنے کے لیے احتیاط اور آگاہی سے متعلق تھی۔چیف جسٹس ڈی این پٹیل اور جسٹس جیوتی سنگھ کی سربراہی میں بنچ کو درخواست گزار نے مطلع کیا اور کہاہے کہ چونکہ اداکار کی آواز کوکالرٹیون سے ہٹا دیا گیا ہے لہٰذااب ان کی طرف سے دائر درخواست کا کوئی جواز باقی نہیں بچا ہے۔درخواست گزار نے بچن کی آواز کو کالر دھن سے اس بنیاد پر ہٹانے کی درخواست کی تھی کہ خود اداکار خود اور ان کے کنبے کے کچھ دوسرے افرادبھی کورونا وائرس سے متاثر ہوچکے ہیں۔