امت شاہ نے رافیل سودے پر راہل گاندھی کولے کرحملہ بولا
احمد آباد، 15 اپریل(ایس او نیوز؍آئی این ایس انڈیا) بی جے پی سربراہ امت شاہ نے رافیل لڑاکا طیارے سودے پر سپریم کورٹ کے فیصلے کو لے کر پیر کو کانگریس صدر راہل گاندھی پر نشانہ لگایا۔شاہ نے الزام لگایا کہ کانگریس جھوٹ بولتی ہے ۔انہوں نے کہا کہ گاندھی کو رافیل سودے پر اپنے بیان کے لئے عدالت عظمی سے نوٹس ملا ہے۔انہوں نے جونا گڑھ لوک سبھا سیٹ سے پارٹی امیدوار کے لئے گر سومناتھ کے کوندنار میں ایک ریلی سے خطاب کرتے ہوئے کہاکہ سپریم کورٹ نے ابتدائی تکنیکی اعتراض پر (رافیل) کیس کی سماعت کی۔سپریم کورٹ نے اپنا آرڈر منظور کیا اور راہل بابا کہنے لگے کہ عدالت عظمی نے رافیل معاملے پر حکومت کو پھٹکار لگائی تھی۔حقیقت میں ایسا کچھ نہیں ہوا تھا۔ شاہ نے کہاکہ عدالت نے صرف ایک ابتدائی اعتراض ہٹانے کا کام کیا تھا،معاملہ ابھی بھی چل رہا ہے اور پہلے بھی سنا گیا ہے لیکن انہوں نے (گاندھی) بار بار بولنا شروع کر دیا۔بی جے پی کے ایک لیڈر نے توہین نوٹس دیا اور آج سپریم کورٹ نے نوٹس جاری کیا ہے اور راہل گاندھی کو یہ بتانے کے لئے کہا ہے کہ انہوں نے کیا کہا تھا۔ بی جے پی کے سربراہ نے الزام لگایاکہ جھوٹ بولنا اور اسے زور سے بولنا اور اسے بار بار کہنا کانگریس پارٹی کا مزاج بن گیا ہے۔ انہوں نے رامپور لوک سبھا سیٹ سے بی جے پی امیدوار جیہ پردہ کے خلاف قابل اعتراض بیان دینے کے لئے سماجوادی پارٹی کے لیڈر جم خان کو بھی نشانہ بنایا۔شاہ نے کہا کہ خان، ایس پی اور اتر پردیش میں اس کی اتحادی بی ایس پی کو اس گھناؤنے بیان کے لئے معافی مانگنی چاہئے۔انہوں نے الیکٹرانک ووٹنگ مشینوں کے خلاف مہم چلانے کے لئے اپوزیشن جماعتوں کو بھی نشانہ بنایا۔بی جے پی لیڈر نے دعوی کیاکہ کانگریس شکست سے ڈر گئی ہے،پہلے وہ ہار کا سبب ای وی ایم پر ڈالتے تھے،اب پہلے مرحلے کے انتخابات ہو چکے ہیں۔ان کا کہنا ہے کہ بی جے پی وی ایم کی وجہ سے جیتے گی جس سے پتہ چلتا ہے کہ کانگریس پارٹی نے ہار قبول کر لی ہے۔