امیت شاہ کی ہری جھنڈی۔ریاستی کابینی میں منگل کو توسیع

Source: S.O. News Service | By Shahid Mukhtesar | Published on 18th August 2019, 12:06 PM | ریاستی خبریں | ملکی خبریں |

بنگلورو/نئی دہلی18/اگست (ایس او نیوز؍ایجنسی)ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔ ذرائع کے مطابق امیت شاہ سے ملاقات کیلئے ایڈی یورپا کو ایک گھنٹہ انتظار کرنا پڑا۔وزیراعلیٰ نے کابینہ میں توسیع کے لئے امیت شاہ سے جو پارٹی کے قومی صدر بھی ہیں منظوری حاصل کرلی ہے۔ اس کے ساتھ ہی پہلے مرحلہ میں کن کن کو شامل کیاجارہاہے، ان ناموں کی فہرست بھی ایڈی یورپا نے امیت شاہ کے حوالہ کردی ہے۔ ان لیجس لیٹرس کو کس وجہ سے شامل کیاجارہاہے۔اس سے بھی امیت شاہ کو آگاہ کیاگیاہے۔ امیت شاہ متوقع وزراء کی فہرست پر کل اتوار شام تک منظوری دیں گے۔ بروز منگل نئے وزراء کو عہدہ کی راز داری کا حلف دلائے جانے کی توقع ہے۔ اس سے قبل آج صبح کرناٹک بھون میں نامہ نگاروں سے بات کرتے ہوئے ایڈی یورپا نے کہا کہ کابینہ میں توسیع کے لئے تاریخ طے کی گئی ہے۔ منگل کے دن ریاستی گورنر نئے وزراء کو حلف دلائیں گے۔ ریاست کرناٹک میں سیلاب سے متعلق انہوں نے بتایا کہ کانگریس لیڈر اس پر غیر ضروری سیاست کررہے ہیں۔ وزیراعظم نریندر مودی کو سیلاب زدہ علاقوں کی صورتحال سے آگاہ کردیا گیا ہے۔ راحتی کاموں کے لئے فوری امداد جاری کرنے کا انہوں نے تیقن دیا ہے۔ انہوں نے بتایا کہ خود وزیر داخلہ امیت شاہ اور وزیر فائنانس نرملا سیتارامن نے سیلاب سے متاثرہ علاقوں کا فضائی جائزہ لیکر رپورٹ وزیراعظم کو دی ہے۔ ایڈی یورپا نے بتایا کہ مرکزی انٹلی جنس سے یہ خبر ملی ہے کہ ریاست کرناٹک کے چند اہم مقامات کو جن میں بنگلور بھی شامل ہے، دہشت گرد نشانہ بناسکتے ہیں۔اس لئے ریاست میں ہائی الرٹ کا اعلان اور سکیورٹی کا معقول بندوبست کیاگیاہے۔

ایک نظر اس پر بھی

دوہفتوں میں وقف بورڈ تشکیل دیا جائے ریاستی حکومت کو ہائی کورٹ کی سخت ہدایت

ریاستی حکومت کی طرف سے وقف بورڈ کی تشکیل میں کی جا رہی غیر معمولی تاخیر پر برہمی کا اظہار کرتے ہوئے ریاستی ہائی کورٹ نے چہارشنبہ کے روز ریاستی حکومت کو یہ سخت ہدایت جاری کی کہ دو ہفتوں کے دوران ریاستی وقف بورڈ تشکیل دیا جائے -

وزیرا عظم مودی کے جنم دن پر آر وی دیشپانڈے نے پیش کی مبارکباد۔دل کھول کر ستائش کرنے کے پیچھے کیا ہوسکتا ہے راز؟

یہ بات ثابت شدہ ہے کہ سیاست کوئی بھی مستقل دوست یا مستقل دشمن نہیں ہوتا۔ مگر نظریاتی اختلاف یا اتفاق کے بارے میں سمجھا جاتا ہے کہ وہ اگر مستقل نہ ہوتو کسی بھی شخصیت کا وقار مجروح ہوتا ہے۔

تبریزانصاری ہجومی تشددکیس: بنگلوروآئی آئی ایم کے اساتذہ اورطلبا نے وزیراعظم کولکھا خط

جھارکھنڈ میں پیش آئے تبریزانصاری کے ماب لینچنگ واقعہ میں پولیس جانچ پرسوالات اٹھ رہے ہیں۔ اس درمیان بنگلورو میں آئی آئی ایم کے اساتذہ اورطلبا نے وزیراعظم نریندر مودی کو خط لکھا ہے۔ ملک کے باوقار ادارے انڈین انسٹی ٹیوٹ آف منیجمنٹ کے طلبا اوراساتذہ نے جھارکھنڈ پولیس کی ...

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔