منگلورو : مریض لے جارہی ایمبولینس کو راستہ نہ دینے کا شاخسانہ ۔ کیس درج ، کار ضبط ، ڈرائیور گرفتار ، لگا جرمانہ
منگلورو 20/ جولائی (ایس او نیوز) کانچور ہاسپٹل سے دوسرے ہاسپٹل میں منتقل کرنے کے لئے مریض کو لےجارہی ایک ایمبولینس کو نیشنل ہائی وے 66 پر تھوکٹو سے پمپ ویل تک گزرنے کا راستہ نہ دینے پر ماروتی ایرٹیگا کارضبط کر لی گئی اور کیس درج کرتے ہوتے ہوئے ڈرائیور کو گرفتار کیا گیا۔ اس کے علاوہ جرمانہ بھی عائد کیا گیا۔
ڈرائیور کی شرارت اور ایمبولینس کو راستہ نہ دینے کا ویڈیو کلپ کل شام سے سوشیل میڈیا پر وائرل ہوا تھا ۔ منگلورو ساوتھ ٹریفک پولیس اسٹیشن کے ایس ایچ او نے از خود اس پر کارروائی کرتے ہوئے چرن (31سال) کو گرفتار کیا، جس کے بارے میں وہ کسی اینیمیشن فرم میں کام کرتا ہے۔
پولیس نے تنبیہ کی ہے کہ اگر کسی ایمرجنسی سروس والی سائرن بجاتی موٹر گاڑی کو راستہ نہ دے کر رکاوٹ پیدا کی جائے گی تو ایسے شخص کے خلاف کارروائی کرتے ہوئے اس پر 1000 روپے جرمانہ یا چھ مہینہ جیل یا پھر دونوں سزائیں دی جائیں گی۔ اسی طرح تیز رفتاری سے گاڑی چلانے والوں پر بھی ایک ہزار روپے جرمانہ اور چھ مہینہ جیل کی سزا دینے کی بات کہی گئی ہے۔