نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

Source: S.O. News Service | By Shahid Mukhtesar | Published on 25th May 2019, 11:54 AM | ملکی خبریں |

چندی گڑھ،25؍مئی (ایس او نیوز؍ایجنسی) لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔ ذرائع کے مطابق وزیراعلیٰ کیپٹن امریندرسنگھ نےاس سے متعلق کانگریس صدرراہل گاندھی سمیت اعلیٰ لیڈروں سے بات بھی کرلی ہے۔ امریندرسنگھ اب سدھوکوکابینہ میں نہیں رکھنا چاہتے ہیں۔

امریندرسنگھ  کےعلاوہ اس قواعد میں ریاست کے دیگروزرا بھی لگے ہوئے ہیں۔ ان وزرا کی شکایت ہے کہ لوک سبھا الیکشن کے دوران نوجوت سنگھ سدھو کی حرکتوں سے وزیراعلیٰ کی شبیہ کو تونقصان پہنچا ہے۔ وہیں کانگریس صدرراہل گاندھی کی شبیہ پربھی خراب اثرپڑا۔ اس سے قبل جمعرات کو بھی امریندرسنگھ نےکہا تھا کہ وہ نوجوت سنگھ کا محکمہ تبدیل کرنا چاہتے ہیں۔ اس کی وجہ یہ ہے کہ سدھو ٹھیک طریقےسےاپنا محکمہ نہیں سنبھال پا رہے ہیں۔

ساتھ ہی انہوں نے یہ بھی کہا تھا کہ وہ الیکشن کے دوران دھرم گرنتھوں کی بےادبی پر نوجوت سنگھ سدھوکے تبصرے پرراہل گاندھی سے رابطہ کریں گے۔ غورطلب ہے کہ الیکشن سے ایک دن قبل ہی نوجوت سنگھ نے 2015 میں مذہبی گرنتھوں کی بےادبی کی جانچ پرسوال اٹھایا تھا۔ وزیراعلیٰ نےکہا تھا کہ نوجوت سنگھ سدھو کی پاکستانی فوج کے سربراہ جنرل قمرباجوہ سے دوستی اورجھپی کو برداشت نہیں کیا جاسکتا ہے اورخاص طور پرفوج تواسے بالکل نہیں برداشت کرے گی۔

اس سےقبل پنجاب کے وزیراعلیٰ کیپٹن امریندرسنگھ نے کانگریس لیڈراورپنجاب حکومت کے وزیرنوجوت سنگھ سدھو پربڑا الزام لگا یا تھا۔ انہوں نے نامہ نگاروں سے بات چیت میں کہا تھا 'سدھومیری جگہ وزیراعلیٰ بننا چاہتے ہیں'۔ اس کے ساتھ ہی انہوں نےالزام لگایا کہ 'سدھوکانگریس کی شبیہ خراب کررہے ہیں، میری پارٹی کوان کےخلاف کارروائی کرنی چاہئے'۔ کیپٹن امریندرسنگھ نےیہ بھی کہا تھا کہ اگروہ اصلی کانگریسی ہوتے تووہ اپنی شکایتوں کےلئےالیکشن کا وقت نہیں منتخب کرتے۔

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔