جامعہ اسلامیہ بھٹکل میں خوبصورت الوداعی تقریب؛ عالیہ رابعہ سے 53 طلبہ اور تخصص فی الفقہ الشافعی سے 7 طلبہ ہوئے فارغ التحصیل

Source: S.O. News Service | Published on 8th March 2019, 6:54 PM | ساحلی خبریں |

بھٹکل 8/مارچ (ایس او نیوز) جامعہ اسلامیہ بھٹکل کے درجہ عالیہ رابعہ سے 53 طلبہ اور تخصص فی الفقہ الشافعی سے 7 طلبہ  فارغ  التحصیل ہونے پر  گذشتہ روز طلبا کی الوداعی تقریب منعقد کی گئی جس میں  طلبا نے  مادر علمی میں گزری خوشگوار یادیں ، باتیں  نیز اپنے قلبی احساسات وجذبات کا اظہار کیا۔

 طلبائے عالیہ ثالثہ کی طرف سے فارغین جامعہ کے لیے سجائی گئی خوبصورت الوداعی تقریب دو نشستوں میں مکمل ہوئی، پہلی نشست 28 جمادی الثانی 1440ھ شب 9:00 بجے تا 12:15 تک رہی، جب کہ دوسری نشست 29 جمادی الثانی 1440ھ صبح 9:30 بجے شروع ہوکر قریب پونے دو بجے ختم ہوئی

تقریب میں  صدر جامعہ مولانا محمد اقبال صاحب ملا ندوی نے فارغین کو مبارکباد دی اور فرمایا کہ اصل خوشی اور اعزاز اس وقت ہوگا جب قیامت کے دن علماء کی فہرست میں نام پکارا جائے گا، صدر جامعہ نے اپنے صدارتی خطاب میں علم دین کی اہمیت، دینی ماحول کے اثرات پر پُرمغز خطاب فرماتے ہوئے موجودہ نصاب تعلیم و نظام تعلیم کے ذریعہ بگڑتے حالات کو اخلاقی گراوٹ کے اسباب و محرکات قرار دیا، نیز مختلف واقعات کی روشنی میں دینی تعلیم کی کمی کے نقصانات بیان کرتے ہوئے علم دین کی نعمت عظیم پر شکر خداوندی بجالانے کی تلقین کی، اور فرمایا کہ اپنے ایمان کو بچانے کے لیے علم دین کا سیکھنا ہر ایک پر ضروری ہے، نیز فرمایا دینی تعلیم اور دنیاوی تعلیم میں وہی نسبت ہے جو دین کو دنیا سے ہے، علم آخرت سمندر ہے اور علم دنیا قطرہ ہے، دونوں یکساں نہیں ہوسکتے۔دنیا ایک ذریعہ ہے اور دین مقصد زندگی۔ 

مہتمم جامعہ مولانا مقبول احمد صاحب کوبٹے ندوی  نے  اپنے تاثرات پیش کرتے ہوئے   تمام فارغین کو، ان کے سرپرستوں اور رشتہ داروں کو  مبارکباد دیتے ہوئے یہ پیغام دیا کہ جو علم اللہ نے آپ کو دیا ہے وہ بہت اونچا ہے، اس کی صحیح قدر کریں، دنیا کی طرف للچائی نظر سے نہ دیکھیں، اپنے علم پر خود اعتمادی کے ساتھ باقی رہیں، سرپرستوں کو متوجہ کرتے ہوئے فرمایا کہ ہماری نیتیں خالص ہو، دنیا کمانا نہ ہو، اگر ہم اپنے بچوں کے دین کی فکر کریں گے، ان کے لیے سہولیات فراہم کریں گے تو اللہ ہمیں دونوں جہاں کی سعادتوں سے نوازے گا، بچوں کے حق میں دعا کرتے رہیں اس لیے کہ بچوں کا مستقبل سرپرستوں  کی دعاؤوں سے نکھرتا ہے۔

بعد نماز ظہرمولانا شاہین یس جے ندویؒ پر لکھی گئی کتاب ’’ایک پاک باز نوجوان‘‘اور عدنان احمد بن محمد امین عجائب (سوم عربی/ شعبۂ ثانویہ) کی کتاب ’’سیاحتی سفر‘‘ (عربی و اردو زبان )  کا اجراء صدر جامعہ کے ہاتھوں کیا گیا۔ اخیر میں تمام فارغین علماء و مفتیان کو جامعہ کی طرف سے  اعزازیہ عطا کیا گیا۔ 

مولوی عبداللہ دامدا ابو ندوی کے منظوم تہنیتی الوداعی کلمات نصیر طاہر باپو نے پڑھ کر سنایا،  جب کہ مولوی سید سالک احمد برماور ندوی کی فارغین کے نام الوداعی نظم سید نبیغ برماور نے پڑھ کر سنائی۔ کلمات تشکر عبدالحفیظ (عالیہ ثالثہ) نے پیش کیے اور عالیہ ثالثہ کے مختلف طلبہ نے نظامت کے فرائض بحسن و خوبی انجام دئے۔ اس تقریب میں ذمہ داران جامعہ و اساتذہ وسرپرستان طلبہ کے علاوہ شہر و اطراف سے تشریف فرما علماءو عوام الناس کی کثیر تعداد شریک رہی۔

ایک نظر اس پر بھی

بھٹکل میں بجلیوں کی چمک اور بادلوں کی گرج کے ساتھ موسلادھار بارش؛ بینگرے میں ایک گھرکو نقصان، ماولی میں الیکٹرانک اشیاء جل کر راکھ؛ الیکٹرک سٹی سپلائی بری طرح متاثر

آج منگل دوپہر کو ہوئی موسلادھار بارش اور بجلیاں گرنے سے ایک مکان کو نقصان پہنچا وہیں دوسرے ایک مکان کی الیکٹرانک اشیاء جل کر خاک ہوگئی۔

بھٹکل: جے این یو کے لاپتہ متعلم نجیب احمد کو ڈھونڈ نکالنے  اور اُس کے ساتھ انصاف کرنے  کا مطالبہ لے کر ایس آئی اؤ آف انڈیا کا ملک گیر احتجاج : بھٹکل اسسٹنٹ کمشنر کو بھی دیا گیا میمورنڈم

15اکتوبر 2016کو جواہر لال یونیورسٹی میں ایم ایس سی کےفرسٹ ائیر میں زیر تعلیم نجیب  احمد یونیورسٹی کے ہاسٹل سے لاپتہ ہوئے تین سال ہورہےہیں ،گمشدگی کی پہلی رات کو ہاسٹل میں اے بی وی پی کے کارکنان نے حملہ کیا تھا، مگر اس معاملے میں ابھی تک کوئی پیش رفت نہیں ہونے پر اسٹوڈنٹس اسلامک ...

بھٹکل کے اسسٹنٹ کمشنر ساجد ملا کا تبادلہ :ایماندار آفسران کے تبادلوں پر عوام میں حیرت ؛کے اے ایس آفیسر  اے رگھو ہونگے نئے اے سی

بھٹکل کے اسسٹنٹ کمشنر ساجد ملا کا تبادلہ کرتےہوئے ریاستی حکومت نے حکم نامہ جاری کیا ہے، ساجد ملا کے عہدے پر کے اے ایس جونئیر گریڈ کے پروبیشنری افسر اے رگھو کا تقر ر کیاگیا ہے۔ اس طرح تعلقہ کے اہم کلیدی عہدوں پر فائز ایماندار افسران کے تبادلوں کولے کرعوام تعجب کا اظہار کیا ہے۔

محکمہ جنگلات کے افسران کے خلاف بھٹکل پولس اسٹیشن کے باہر احتجاج؛ اے ایس پی کو دی گئی تحریری شکایت

جنگلاتی زمین کے حقوق کے لئے لڑنے والی ہوراٹا سمیتی کے کارکنان نے آج بھٹکل ٹاون پولس تھانہ کے باہر جمع ہوکر محکمہ جنگلات کے اہلکاروں کے خلاف کاروائی کرنے کا مطالبہ کرتے ہوئے احتجاج کیا اور بھٹکل سب ڈیویژن کے اسسٹنٹ ایس پی  کے نام میمورنڈم پیش کیا۔ 

ضلع شمالی کینرا میں آج بھی 24ہزار خاندان گھروں سے محروم ! کیا آشریہ اسکیم کے ذریعے صرف دعوے کئے جاتے ہیں ؟

حکومت کی طرف سے بے گھروں کو مکانات فراہم کرنے کی اسکیمیں برسہابرس سے چل رہی ہیں۔ اس میں سے ایک آشریہ اسکیم بھی ہے۔ سرکاری کی طرف سے ہر بار دعوے کیے جاتے ہیں کہ بے گھروں اور غریبو ں کا چھت فراہم کرنے کے منصوبے پوری طرح کامیاب ہوئے ہیں۔

بھٹکل کے آٹو رکشہ ڈرائیور بھی ایماندار؛ بھٹکل میں تین لاکھ مالیت کے زیورات سے بھری بیگ لے کر رکشہ ڈرائیور پہنچا پولس اسٹیشن

  بھٹکل میں  راستے پر  کوئی  قیمتی چیز کسی کو گری ہوئی ملتی ہے  تو اکثر لوگ  اُسے اُس کے اصل مالک تک  پہنچانے کی کوشش کرنا عام بات ہے،  بالخصوص مسلمانوں کو راستے میں پڑی ہوئی  کوئی قیمتی چیز مل جاتی ہے تو     لوگ یا تو خود سے سوشیل میڈیا  میں پیغام وائرل کرکے  اُسے اُس کے اصل ...