کامن ویلتھ گیمز: ارشد ندیم نے طلائی تمغہ جیتا تو نیرج چوپڑا نے کہا ’آل دی بیسٹ‘

Source: S.O. News Service | Published on 9th August 2022, 11:35 AM | اسپورٹس |

برمنگھم، 9؍اگست (ایس او نیوز؍ایجنسی) جیولن  تھرو کے دو بہترین کھلاڑی نیرج چوپڑا اور ارشد ندیم آپس میں بہترین دوست بھی ہیں۔ ہندوستانی کھلاڑی نیرج چوپڑا اور پاکستانی کھلاڑی ارشد ندیم ایک دوسرے کو ’بھائی‘ کہہ کر مخاطب کرتے ہیں۔ کئی بار نیرج چوپڑا کی کامیابی پر ارشد ندیم نے مبارکباد کے پیغامات بھیجے، اور اب کامن ویلتھ گیمز 2022 میں ارشد ندیم نے طلائی تمغہ حاصل کر نیرج چوپڑا کو مبارکباد دینے کا موقع فراہم کیا۔ جی ہاں، پاکستانی جیولن تھرو کھلاڑی ارشد ندیم نے بھالا پھینکنے کے مقابلے میں طلائی تمغہ حاصل کر لیا ہے۔ انھوں نے 90.18 میٹر دور بھالا پھینک کر نہ صرف طلائی تمغہ پر قبضہ کیا بلکہ نیرج چوپڑا کا ریکارڈ بھی توڑ دیا۔

ارشد ندیم نے اس کامیابی کے بعد اپنے ایک سوشل میڈیا پوسٹ میں لکھا ہے ’’اللہ کے کرم اور آپ سب کی دعاؤں سے 2022 کامن ویلتھ گیمز میں 90.18 میٹر کے ساتھ طلائی تمغہ۔‘‘ ارشد کے اس پوسٹ پر نیرج چوپڑا نے بہترین رد عمل ظاہر کیا ہے۔ انھوں نے لکھا ’’مبارکباد ارشد بھائی۔ طلائی تمغہ اور 90 میٹر کراس کر کے گیم ریکارڈ بنانے کے لیے۔ آگے کے ٹورنامنٹ کےلیے آل دی بیسٹ۔‘‘

قابل ذکر ہے کہ چوٹ کی وجہ سے نیرج چوپڑا برمنگھم 2022 کامن ویلتھ گیمز میں حصہ نہیں لے سکے ہیں۔ عالمی اتھلیٹکس چمپئن شپ کے دوران نیرج چوپڑا زخمی ہو گئے تھے اور کامن ویلتھ گیمز 2022 شروع ہونے میں چند ہی دن باقی رہ گئے تھے۔ ایسے میں انھوں نے اس ٹورنامنٹ میں حصہ نہ لینے کا فیصلہ کیا تھا۔ اس بڑے ٹورنامنٹ سے باہر ہونے کے بعد نیرج چوپڑا کافی مایوس تھے اور انھوں نے اپنے شیدائیوں سے معافی بھی مانگی تھی۔

ایک نظر اس پر بھی

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔

ون ڈے سیریز: آسٹریلیا پر زمبابوے کی تاریخی جیت

 زمبابوے نے ہفتہ کے روز ریان برل (پانچ وکٹ) کی شاندار گیند بازی کی بدولت آسٹریلیا کو اسی کی سرزمین پر شکست دیتے ہوئے تیسرے ون ڈے میں تین وکٹوں سے جیت حاصل کی۔ زمبابوے نے ٹاس جیت کر آسٹریلیا کو پہلے بیٹنگ کے لیے بلایا اور محض 142 رن پر آل آؤٹ کر دیا تھا۔