ساری توجہ کورونا پر ہے تو کیا دیگر مریض مرجائیں۔۔۔ ؟؟ اسپتالوں میں علاج دستیاب نہ ہونے کے سبب غیر کورونا مریضوں کی اموات میں بے تحاشہ اضافہ

Source: S.O. News Service | Published on 6th July 2020, 12:56 PM | ریاستی خبریں | اسپیشل رپورٹس |

بنگلورو،6؍جولائی (ایس او نیوز) شہر بنگلورو میں کورونا وائرس جس تیزی سے پھیل رہا ہے اس کے ساتھ شہر میں صحت کا انفرسٹرکچر سرکاری سطح پر کس قدر ناقص ہے وہ سامنے آرہا ہے اس کے ساتھ ہی یہ بات بھی سامنے آرہی ہے کہ بڑے بڑے اسپتال کھول کر انسانیت کی خدمت کرنے کا دعویٰ کرنے والے تجاری اداروں کے دعوے کورونا وائرس کے اس آزمائشی دور میں کس قدر کھو کلے ہیں۔

جہاں تک کورونا وائرس سے متاثر مریضوں کے علاج کا تعلق ہے ان کے لئے اب بستروں کی کمی کھلنے لگی ہے اور سرکاری اور نجی اسپتالوں میں بستروں کے تعین کے باوجود بھی یہ خدشہ ظاہر کیا جارہا ہے کہ کورونا متاثرین کے علاج کے لئے یہ بستر کم پڑسکتے ہیں۔ سارے اسپتالوں میں علاج اور معالجے کی توجہات صرف کورونا وائرس کے مریضوں کی طرف مرکوز ہو کر رہ گئی ہے اور اس کا خمیازہ ان مریضوں کو بھگتنا پڑرہا ہے جو عام بیماریوں میں مبتلا ہیں ۔ کسی بھی علاج کے لئے اگر لوگ اسپتالوں سے رجوع ہورہے ہیں تو ان کا علاج کرنے کی بجائے انہیں  گھر لوٹا دیا جارہے ہے۔

اب صورتحال اور بھی سنگین اس طرح سے ہوگئی ہے کہ تقریباً تین مہینوں سے شہر کے بیشتر سرکاری اسپتال عوام کے لئے بند پڑے ہوئے ہیں اور ان اسپتالوں میں علاج سے محروم بیشتر افراد کی صحت میں بگاڑ پیدا ہوگیا اور کہا جارہا ہے کہ شہر میں کورونا وائرس سے ہٹ کر شرح اموات میں اضافہ کی یہ بھی ایک اہم وجہ ہے۔ جیسے ہی ذیابیطس ، قلبی امراض ، کینسر ، گردوں کے امراض کے مریضوں کی حالت میں غیر معمولی بگاڑ پیدا ہورہا ہے ان کو فوری طور پر علاج فراہم کرنے کے لئے ان کے اقرباء  کی طرف سے اسپتالوں کے چکر کاٹنے کا سلسلہ شروع ہوجاتا ہے اور اکثر علاج کی جستجو میں مریضوں کی موت بھی واقع ہورہی ہے یا پھر گھروں میں ہی مناسب علاج میسر نہ ہونے کے سبب لوگوں کی موت ہورہی ہے ۔ جن لوگوں کی گھروں میں حالت بگڑرہی ہے اور ان کو آخری لمحات میں بچانے کی امید کے ساتھ اسپتالوں سے رجوع کیا جارہا ہے ایسے مریضوں کو اسپتالوں میں یا تو داخلہ نہیں دیا جارہا ہے اور اگر اسی دوران اس مریض کی موت واقع ہو جائے تو مریض کو اسپتال میں مردہ قرار دے کر لوٹا دیا جارہا ہے ۔ گزشتہ 10-15 دنوں سے شہر میں اس طرح کے رجحان نے غیر معمولی شدت اختیار کر لی ہے جس کے نتیجے میں غیر کورونا وائرس اموات کی شرح میں اضافہ ہوتا جارہا ہے ۔

اس سلسلہ میں جلوس محمد ی کمیٹی کے جنرل سکریٹری اور میسورو روڈ قبرستان کی مجلس منّظمہ کے کنوینر افسر بیگ قادری نے بتایا کہ مریضوں کو اسپتالوں میں بروقت علاج کی فراہمی میں لا پروائی کے نتیجے میں غیر کورونا وائرس اموات کی تعداد میں گزشتہ دو ہفتوں کے دوران زبردست اضافہ ہوچکا ہے ۔

ان کا کہنا ہے کہ  بنگلورو شہر کے وکٹوریہ ، بورنگ، کے سی جنرل تین بڑے اسپتال میں یہاں روزانہ علاج کے لئے ہزاروں مریض شہر بنگلورو ہی نہیں بلکہ ریاست کے کونے کونے سے آتے ہیں اگر ان تینوں اسپتالوں کو مکمل طور پر کووڈ اسپتال قرار دے دیا گیا تو حکومت کو چاہئے تھا کہ ان اسپتالوں میں علاج کے لئے رجوع ہونے والے مریضوں کے لئے متبادل انتظام کرتی لیکن ایسا کچھ نہیں کیا گیا ۔ اب حکومت اس کوشش میں ہے کہ شہر کے تقریباً 100 برائیویٹ اسپتالوں میں کووڈ کے علاج کی سہولت فراہم کرے۔ اگر ان اسپتالوں کو بھی کووڈ کے لئے مخصوص کردیا گیا تو عام مریض اپنے علاج کے لئے کہا ں جائیں گے؟ ۔

ان کا کہنا ہے کہ کووڈ متاثرین کے علاج کے ساتھ ساتھ حکومت کو دیگر امراض میں مبتلا لوگوں کے علاج کے لئے بھی انتظام کروانا چاہئے۔ کہیں ایسا نہ ہو کہ کووڈ مریضوں کے علاج پر پوری توجہ مرکوز کر کے دیگر مریضوں کو مرنے کے لئے چھوڑ دیا جائے۔

ایک نظر اس پر بھی

چکمگلورو میں المناک حادثہ: تالاب میں تیرنے پہنچے پانچ افراد موت کا شکار۔ شادی کا گھر بن گیا ماتم کدہ؛ ایک کو بچانے کی کوشش میں چار غرق

چکمگلورو کے وستارگاؤں میں ایک المناک حادثہ پیش آیا جس میں ہیرے کیرے نامی    تالاب کے اندر تیرنے کے لئے گئے  ہوئے   پانچ افراد  ڈوبنے کی وجہ سے  بیک وقت موت کا شکارہوگئے ۔مہلوکین کی شناخت سندیپ، راگھویندرا، سدیپ، دلیپ اور دیپک کے طور پر کی گئی ہے۔

اوقاف کے ساتھ کھلواڑ کرنے والوں کے خلاف سخت کارروائی کی جائے:تنویر سیٹھ

وقف کی املاک اللہ کی امانت ہے۔اس کو نہ فروخت کیا جاسکتا ہے اور نہ ہی گروی رکھنے کی گنجائش ہے۔البتہ اوقافی املاک سے ہونے والی آمدنی کا استعمال ملت کی فلاح و بہبودی کے لئے کیا جاسکتا ہے۔لیکن اس کے برعکس لوگ وقف کی املاک بینکوں میں گروی رکھ کر کروڑو ں روپئے قرضہ لے رہے ہیں۔ یہ قرضہ ...

قدآور کانگریس قائد، احمد پٹیل کو ریاستی کانگریسیوں کا خراج عقیدت

کانگریس کے قدآور قائد مسٹر احمد پٹیل کی رحلت پر آج کے پی سی سی دفتر میں کے پی سی سی صدر ڈی کے شیوکمار کی صدارت میں ایک تعزیتی اجلاس منعقد ہوا جس میں احمد پٹیل کی تصویر پر پھول چڑھا کر انہیں زبردست خراج عقیدت پیش کی گئی۔

کابینہ میں توسیع کا مسئلہ بی جے پی میں شدید اختلاف کا سبب، پرانے بی جے پی ممبران اور پارٹی بدلنے والوں میں اقتدار کے لئے رسہ کشی

ایسے مرحلے میں جبکہ وزیر اعلیٰ بی ایس ایڈی یورپا کی طرف سے ریاستی کابینہ میں توسیع کرنے کے لئے بی جے پی اعلیٰ کمان کی سطح پر کی گئی کوشش ناکام نظر آ رہی ہے بی جے پی میں وزارت کے دعویداروں کی بے چینی میں بھی اضافہ ہو تا جا رہا ہے اور اقتدار کا حصہ بننے کے لئے بے تاب کانگریس چھوڑ کر ...

جے ڈی ایس رکن کی حیثیت سے ہی میعاد مکمل کروں گا: جی ٹی دیوے گوڑا

یہاں میسورو تعلقہ کے ادبور میں مختلف ترقیاتی کاموں کی سنگ بنیاد تقریب میں شرکت کرنے کے بعد نامہ نگاروں سے بات کرتے ہوئے میسور کے حلقہ چامنڈیشوری کے جنتا دل (یس) رکن اسمبلی جی ٹی دیوے گوڑا جنہوں نے کئی ماہ سے جنتا دل (ایس) سے دوری بنائے رکھی ہے،

کرناٹک میں گردابی طوفان ”نیوار“سے متعلق ریڈ الرٹ

گردابی طوفان ”نیوار“کے بدھ کے روز تمل ناڈو اور پڈوچیری سے گزرنے کے پیش کرناٹک میں ریڈ الرٹ جاری کیا گیا ہے۔وزیر اعلیٰ بی ایس ایڈی یورپا نے آج یہاں میڈیا سے بات چیت میں کہا کہ متعلقہ عہدیداروں کو کسی بھی صورتحال کے لئے تیار رہنے کو کہا گیا ہے۔

مرڈیشور ساحلی کنارے سےکشتیاں ہٹانے کا مسئلہ :سرکاری انتظامیہ اور ماہی گیر وں کے بیچ ہوگئی تیز تکرا ر۔ پیدا ہوگئے ہیں تصادم کے آثار

مشہور سیاحتی مرکز مرڈیشور کے ساحل پر ٹورازم کو فروغ دینے کے لئے ضلع انتظامیہ نے جو ترقیاتی منصوبہ بنایا ہے اس کے تحت کچھ تعمیراتی کام بھی کیے جارہے ہیں اور اسی کے ساتھ ساحلی کنارے پر چھوٹے چھوٹے دکانداروں کو جگہ فراہم کرنا طے پایا ہے۔ لیکن اس کے لئے ساحلی کنارے پر اپنی کشتیاں ...

دیوالی تہوار کے موقع پر بھٹکل میں  تیز ہوئی ہے آن لائن خریداری۔ مقامی دکاندارو ں کا متاثر ہونا یقینی !

دیوالی تہوار کے موقع پر  بازاروں میں دکاندار اپنی دکانیں اس امید میں سجائے بیٹھتے ہیں کہ اس موسم میں خوب کمائی کریں گے اور مندی کے دنوں کا خسارہ پورا کرلیں گے۔ امسال تو ویسے بھی پچھلے سات آٹھ مہینوں سے کورونا وباء اور لاک ڈاؤن نے ہر جگہ کمر توڑ رکھی ہے تو ظاہر ہے کہ دیوالی کے ...

بہار میں جنگل راج کا  تازہ نمونہ: ہندو لڑکے سے  شادی کرنے سے انکارپر زندہ جلادی گئی مسلم دوشیزہ 

بہار میں  بی جے پی کی حمایت یافتہ این ڈی اے کی حکومت نے نتیش کمار کی قیادت میں پھر از سرنو اقتدار سنبھالے ہوئے ابھی  دو دن بھی نہیں گزرے ہیں ، مگر وہاں پیش آنے  والی  وحشت اور بربریت کی تازہ واردات نے امن پسند شہریوں کو جھنجھوڑ کر رکھ دیا ہے۔

ضلع شمالی کینرا میں سست رفتاری سے ہورہی ہے نیشنل ہائی وے کی توسیع لیکن ٹول وصولی جاری

زشتہ 7 سال سےنیشنل ہائی وے ۶۶کو فورلین میں تبدیل کرنے کا جو منصوبہ چل رہا ہےوہ مکمل ہونے کا نام نہیں لے رہا ہے ۔ اب ضلع شمالی کینرا میں جو کام چل رہا ہے   تو اس کی رفتار  کچھوے جیسی ہوگئی ہے۔حالانکہ اس منصوبے کو 5سال کی مدت میں مکمل ہوجانا چاہیے تھا، لیکن سست رفتاری کو اگر دیکھیں ...

رجا راجیشوری نگر اور سرا کے نتائج؛ کرناٹک کی تینوں سیاسی جماعتوں کے لئے سبق ۔۔۔۔ خصوصی تجزیہ : ناہید عطاء اللہ

کرناٹک کے دو اسمبلی حلقوں سرا اور راجا رجیشوری نگرا اسمبلی حلقوں میں ضمنی انتخابات کے نتائج نے کرناٹک کی تینوں اہم سیاسی جماعتوں کو سبق سکھایا ہے کہ ہر اسمبلی حلقوں میں عوام کو ایسے امیدوار کی ضرورت ہے جو ان سے قریب رہ کر کام کرسکتا ہے۔