الیسٹرکک نے کیا ریٹائرمنٹ کا اعلان، ہندوستان کے خلاف اوول میں کھیلیں گے آخری میچ

Source: S.O. News Service | By Shahid Mukhtesar | Published on 4th September 2018, 12:59 AM | اسپورٹس |

نئی دہلی ،03؍ ستمبر (ایس او نیوز؍آئی این ایس انڈیا) انگلینڈ کرکٹ ٹیم کے سابق کپتان اور اوپنر الیسٹر کک نے بین الاقوامی کرکٹ سے ریٹائرمنٹ لینے کا فیصلہ کیاہے۔ہندوستان کے خلاف ہونے والے پانچویں ٹیسٹ کے بعد الیسٹرکک بین الاقوامی کرکٹ سے ریٹائرمنٹ کا اعلان کر دیں گے۔

کک نے انگلینڈ کے لئے ابھی تک 160میچ کھیلے ہیں اور 12,254 رنز بنائے ہیں۔ ہندوستان کے خلاف اوول میں ہونے والا سیریز کا پانچواں ٹیسٹ ان کا 161 واں میچ ہوگا۔ کک ٹیسٹ کرکٹ کی تاریخ میں سب سے زیادہ رنز اسکور کرنے والے چھٹے بلے باز ہیں۔غور طلب ہے کہ کک ابھی تک اس سیریز میں ناکام رہے ہیں۔ہندوستانی گیند بازوں کے سامنے وہ ابھی تک بے بس نظر آئے ہیں۔کک اپنے مسلسل خراب فارم کے بعد سے ہی وہ ناقدین کے نشانے پر تھے۔شاید یہی وجہ ہے کہ کک نے بین الاقوامی کرکٹ سے ریٹائرمنٹ کا فیصلہ کیا ہے۔

حالانکہ خبر ہے کہ الیسٹرکک بین الاقوامی کرکٹ سے ریٹائرمنٹ کے بعد بھی ایسیکس کے لئے کاؤنٹی کرکٹ کھیلتے رہیں گے۔غور طلب ہے کہ ہندوستان کے خلاف پانچ میچوں کی ٹیسٹ سیریز میں انگلینڈ نے 3-1 سے برتری بنا لی ہے۔دونوں ٹیموں کے درمیان پانچواں اور آخری ٹیسٹ میچ جمعہ سے لندن میں کھیلا جائے گا۔سب سے خاص بات یہ ہے کہ کک نے 21 سال کی عمر میں 2006 میں ہندوستان کے خلاف ہی ٹیسٹ میں ڈیبو کیا تھا۔انہوں نے اپنے کیریئر میں اب تک 160 ٹیسٹ میچوں میں 12,254رنز بنائے ہیں، جس میں 32 سنچریاں اور 56 نصف سنچریاں شامل ہیں۔انگلینڈ کا کوئی بھی کھلاڑی ان کے ٹیسٹ رنز اور سنچریوں کے قریب نہیں پہنچا ہے۔کک نے اپنے ایک بیان میں کہاکہ میں نے اپنی صلاحیت اورتوقع سے زیادہ کامیابی حاصل کی ہے اور بہت سے عظیم کھلاڑی کے ساتھ اتنی دیر تک کھیلنے کا موقع حاصل کرکے خود کو خوش قسمت بھی محسوس کرتا ہوں۔انہوں نے کہاکہ گزشتہ چند ماہ سے کافی غور کے بعد میں نے ہندوستان کے خلاف ٹیسٹ سیریز کے بعد اپنے ریٹائرمنٹ کا اعلان کرنے کا فیصلہ لیاہے۔

ایک نظر اس پر بھی

بھٹکل: انفا کے نثار نے بنائی 27 گیندوں پر دھواں دار سنچری؛ قائم کیا ٹی ٹوئنٹی میں بھٹکل تعلقہ میں تیز رفتار سنچری اسکور کرنے کا نیا ریکارڈ

بھٹکل آزاد نگر کی انفا کرکٹ ٹیم کے کھلاڑی ناصر احمد المعروف احمدی نے بھٹکل تعلقہ لیول ٹی ٹوینٹی کرکٹ ٹورنامنٹ میں  محض 27 گیندوں پر سینچری اسکورکرکے تیز رفتار سنیچری اسکور کرنے  کا  نیا ریکارڈ قائم  کیا ہے۔ اس سے قبل قریب دس بارہ سال پہلے  لبیک نوائط کے فرحان جوشیدی نے ایک ...

ہندوستان نے برسبین میں سیریزجیت کر تاریخ رقم کی

نوجوان سلامی بلے باز شبمن گل (91)، چیتیشور پجارا (56) اور باصلاحیت وکٹ کیپر بلے باز رشبھ پنت (ناٹ آؤٹ) کی بہترین بلے بازی کی بدولت ہندوستان نے آسٹریلیا کو برسبن کے گابا میدان میں منگل کے روز کھیلے گئے چوتھے اور آخری کرکٹ ٹیسٹ میچ کے پانچویں دن تین وکٹوں سے شکست دے کر نئی تاریخ ...

سورو گنگولی کی حالت مستحکم ، گورنر اور سی ایم ممتا بنرجی سمیت متعددلیڈران پہونچے

بی سی سی آئی کے صدر سورو گنگولی کی صحت اب مستحکم ہے۔ مغربی بنگال کے گورنر جگدیپ دھنکھڑ اوروزیراعلیٰ ممتا بنرجی سمیت متعدد وزراء اورٹی ایم سی اوربی جے پی کے لیڈران ان کی حالت جاننے کے لیے اسپتال پہنچے۔

آسٹریلیا کو 100 ویں ٹیسٹ میچ میں شکست دے کر ہندستان نے کی برابری

ہندوستان نے اپنے گیند بازوں کی مضبوط کارکردگی کا مظاہرہ کرتے ہوئے دوسرے باکسنگ ڈے ٹیسٹ کے چوتھے روز آسٹریلیا کو آٹھ وکٹوں سے شکست دے کر چار میچوں کی سیریز 1-1 سے برابر کرلی۔ ہندوستان نے آسٹریلیا کو دوسری اننگز میں 200 رنوں پر سمیٹ دیا اور فتح کے لئے ملا 70 رنوں کا ہدف دو وکٹیں گنوا ...

بھٹکل کرکٹ لیگ ٹورنامنٹ کی افتتاحی تقریب : ڈویزن لیول میں کھیلنے کا موقع

19دسمبر 2020بروز سنیچر سے بھٹکل اسپورٹس اکیڈمی بھٹکل اور بھٹکل مسلم یوتھ فیڈریشن کے اشتراک سے  شروع ہونے والے امین سیف اللہ جونئیر کرکٹ لیگ کی افتتاحی تقریب 18دسمبر بروز جمعہ کی شام  تعلقہ اسٹیڈیم (وائی ایم ایس اے گراؤنڈ) میں منعقد ہوئی۔

سری لنکا کرکٹ بورڈ منسوخ کرسکتا ہے جنوبی افریقہ کا دورہ

حال ہی میں میزبان جنوبی افریقہ اور انگلینڈ کے مابین تین میچوں کی ٹی ٹونٹی سیریز اور تین میچوں کی ون ڈے سیریز کھیلی جانی تھی۔ انگلینڈ کی ٹیم جو جنوبی افریقہ کے دورے پر گئی تھی انہوں نے تین میچوں کی ٹی ٹونٹی سیریز کھیلی، لیکن ون ڈے سیریز سے قبل جنوبی افریقہ کرکٹ بورڈ کورونا وائرس ...