’بی جے پی کے لیے ریڈ الرٹ ہے مہنگائی‘، پی ایم مودی کے ’لال ٹوپی‘ والے بیان پر اکھلیش کا جوابی حملہ

Source: S.O. News Service | Published on 7th December 2021, 8:45 PM | ملکی خبریں |

میرٹھ،7؍دسمبر(ایس او نیوز؍ایجنسی) سماجو ادی پارٹی (ایس پی) سربراہ اکھلیش یادو نے ایس پی کی ’لال ٹوپی‘ کو اترپردیش کے لئے خطرے کی گھنٹی (ریڈ الرٹ) بتانے والے وزیر اعظم نریندر مودی کے بیان پر جوابی حملہ کرتے ہوئے منگل کو کہا کہ بی جے پی کے لئے مہنگائی اور بے روزگاری ’ریڈ الرٹ‘ ہے۔

مودی نے گورکھپور میں ایمس اور کھاد کارخانے کے افتتاحی تقریب سے خطاب کرتے ہوئے ایس پی یا اکھلیش کا نام لئے بغیر کہا تھا کہ ’’لال ٹوپی والوں کو حکومت بنانی ہے دہشت گردوں پر مہربانی دکھانے کے لئے، دہشت گردوں کو جیل سے چھڑانے کے لئے، اور اس لئے یاد رکھئے لال ٹوپی والے یوپی کے لئے ریڈ الرٹ ہیں یعنی خطرے کی گھنٹی ہے۔‘‘

ایس پی سربراہ نے اس کے جواب میں ٹوئٹ کرتے ہوئے لکھا ’بی جے پی کے لئے ’ریڈ الرٹ‘ ہے مہنگائی کا بے روزگاری، بے کاری کا، کسان مزدور کی بدحالی کا، ہاتھرس، لکھیم پور، خواتین و نوجوان استحصالی کا، برباد تعلیم، کاروبار و صحت کا‘۔

اکھلیش نے ایس پی کی لال ٹوپی کو ہی اقتدار سے بی جے پی باہر کرنے والا بتاتے ہوئے کہا ’لال ٹوپی‘ ہی اس بار بی جے پی کو اقتدار سے باہر کرے گی۔ لال کا انقلاب ہوگا۔ بائیس میں تبدیلی آئے گی‘۔ قابل ذکر ہے کہ اکھلیش نے آر ایل ڈی کے ساتھ انتخابی اتحاد کا رسمی اعلان کرتے ہوئے آج میرٹھ میں ایس پی آر ایل ڈی کی مشترکہ ریلی سے خطاب کیا۔

ریلی کے بعد میڈیا نمائندوں کے ذریعہ مودی کے بیان پر اپنے تبصرے کا اظہار کرتے ہوئے اکھلیش نے بی جے پی کو ’سماجی تفریق پیدا کرنے والا بتایا‘ انہوں نے کہا کہ سماج کے مختلف طبقات میں کھائی پیدا کرنے والے ہی بھاجپائی ہیں‘۔ اکھلیش نے کہا کہ اترپردیش کے وزیر اعلی یوگی آدتیہ ناتھ کو وزیر اعظم مودی سے پوچھنا چاہئے تھا کہ لکھیم پور کھیری کے کسانون کو اب تک انصاف کیوں نہیں ملا‘۔

اس دوران آر ایل ڈی کے صدر جینت چودھری نے ریلی میں امڈی بھیڑ کے بارے میں کہا کہ اس ریلی کے ذریعہ سے کسان انصاف کا مطالبہ کرنے آئے ہیں۔ انہوں نے کہا کہ 2017 میں بی جے پی کی تاجپوشی کا گواہ مغربی یوپی بنا تھا اور اب یہی مغربی یوپی بی جے پی کو اقتدار سے باہر کرے گا۔

ایک نظر اس پر بھی

ہندوستان کورونا کے 2.86 لاکھ نئے کیسز، ایکٹو کیسز 22 لاکھ سے متحاوز

ملک میں کورونا وائرس کے کیسز میں ایک بار پھر تیزی دکھائی دے رہی ہے۔ جمعرات کو بھی کورونا کے نئے کیسز 3 لاکھ کے قریب درج ہوئے ۔ گزشتہ 24 گھنٹوں کے دوران ملک بھر میں 2,86,384 نئے کیسز رپورٹ ہوئے ہیں۔ تاہم کل کے مقابلے میں کیسز میں صرف معمولی اضافہ درج کیا گیا۔

طلبہ کے خلاف کارروائی پرنتیش کمارخاموش کیوں؟ کوچنگ مراکزکی حمایت میں آرجے ڈی،مانجھی نے بھی وارننگ دی

آر آر بی این ٹی پی سی امتحان کو لے کر بہار کے کئی اضلاع میں ہنگامہ آرائی کے بعد آر جے ڈی نے کوچنگ آپریٹروں کے خلاف درج ایف آئی آر کی سخت مخالفت کی ہے۔ آر جے ڈی لیڈرنے مطالبہ کیا ہے کہ پولیس اساتذہ کے بجائے ریلوے ریکروٹمنٹ بورڈکے عہدیداروں کے خلاف مقدمہ درج کرے۔ اس کے ...

طلبہ نے بہاربندکااعلان کیا،مہاگٹھ بندھن نے حمایت کی

این ٹی پی سی امتحان میں دھاندلی پر طلباء کا غصہ تھمنے کا نام نہیں لے رہا ہے۔ طلبہ نے جمعہ 28 جنوری کو بہار بند کی کال دی ہے۔ آر جے ڈی سمیت عظیم اتحاد کی تمام جماعتوں نے طلبہ کے بند کی حمایت کا اعلان کیا ہے۔جمعرات کوعظیم اتحادسے مشترکہ طور پر آر جے ڈی کے ریاستی دفتر میں پریس ...

مالیگاؤں 2008 بم دھماکہ معاملہ : اے ٹی ایس کی موجودگی سے بھگوا ملزمین سراپا احتجاج

مالیگائوں 2008 بم دھماکہ معاملے میںآج ایک بڑی اور اہم پیش رفت ہوئی ، بم دھماکہ متاثرین اور سابق وزیر نسیم خان کی کوششوں سے آج خصوصی این آئی اے عدالت میں انسدا ددہشت گرد دستہ کے دو سینئر افسران حاضر ہوئے اور خصوصی این آئی اے جج سے کہا کہ انہیں اے ٹی ایس چیف نے ہدایت دی ہیکہ وہ ...

یوپی اسمبلی انتخابات: بی ایس پی کی نئی فہرست جاری، کندرکی سے محمد رضوان اور نواب گنج سے یوسف خان امیدوار

 اتر پردیش میں اسمبلی انتخابات کے دوران بہوجن سماج پارٹی (بی ایس پی) نے جمعرات کو اپنے چھ امیدواروں کی فہرست جاری کی ہے۔ بی ایس پی نے دو سیٹوں پر اپنے امیدواروں کو تبدیل کر دیا ہے، جبکہ چار نئی سیٹوں پر امیدواروں کا اعلان کیا ہے۔ نئی فہرست میں سب سے زیادہ توجہ بریلی ضلع پر مرکوز ...

ٹوئٹر کو ’آئیڈیا آف انڈیا‘ کی تباہی کا مہرہ نہ بننے دیں، سی ای او پراگ اگروال کے نام راہل گاندھی کا مکتوب

 کانگریس کے سابق صدر راہل گاندھی نے ٹوئٹر کے سی ای او پراگ اگروال کو مکتوب ارسال کرتے ہوئے اپیل کی ہے کہ وہ ٹوئٹر کو ’آئیڈیا آف انڈیا‘ (ہندوستان کے خیال) کی تباہی کا مہرہ بننے سے روکیں۔