بلند شہر میں 2سادھوؤں کا گلاریت کر قتل، واردات پر سیاست کی بجائے فوراً کارروائی کی جائے: اکھلیش یادو

Source: S.O. News Service | Published on 29th April 2020, 12:22 PM | ملکی خبریں | ان خبروں کو پڑھنا مت بھولئے |

بلند شہر،29؍ اپریل(ایس او نیوز؍ یواین آئی) اترپردیش کے ضلع بلند شہر کے انوپ شہر علاقے میں مندر میں سو رہے دو سادھوؤں کا گلا ریت کر قتل کردیا گیا۔سینئر سپرنٹنڈنٹ آف پولیس سنتوش کمار سنگھ نے منگل کو یہاں بتایا کہ انوپ شہر کی شکارپور شاہراہ پر واقع پگونا گاؤں میں شیو مندر ہے۔ مندر کی دیکھ بھال گذشتہ دس سالوں سے علی گڑھ باشندہ بابا غریب داس عرف جگن داس(55) اور ان کا شاگرد شیر سنگھ عرف سیوا داس(35)کرتے تھے۔ پیر کی رات میں دونوں مندر احاطے کے کمرے میں سو رہے تھے۔صبح جب مقامی افراد پوجا کے لئے مندر گئے تو دونوں کی لاشیں خون میں لت پت پڑی ہوئی دیکھ کر پولیس کو مطلع کیا۔اطلاع ملنے پر ایس ایس پی سنتوش کمار سنگھ پولیس ٹیم و فورنسک ٹیم کے ساتھ گاؤں پہنچے۔

پولیس نے قتل کے الزام میں ایک شخص مراری کو نشے کی حالت میں گرفتار کیا ہے۔ قتل کی اس واردات سے علاقے میں کافی اشتعال ہے۔ ایس ایس پی نے بتایا کہ دو دن قبل مراری نے سادھو جگدیش داس کا چمٹا غائب کردیا تھا جس پر بابا نے اسے برا بھلا کہا تھا اور پھٹکار بھی لگائی تھی۔ انہوں نے بتایا کہ ملزم نشے کا عادی ہے۔بابا کی پھٹکار سے پریشان ہوکر مراری نے تناؤ میں دونوں سادھوؤں کا قتل کردیا ہے۔ لاش کو پوسٹ مارٹم کے لئے بھیج دیا گیا ہے۔پولیس معاملے کی چھان بین کررہی ہے۔

ایس ایس پی نے بتایا کہ اس ضمن میں پولیس نے مراری نامی شخص کو گرفتار کیا ہے۔وہ موقع واردات سے دو کلو میٹر دور نیم برہنہ حالت میں نشے میں مست ملا ہے۔اس کے ہاتھ میں وہ تلوار بھی تھی جس سے اس نے قتل کیا ہے۔ دونوں گذشتہ 10سالوں سے مندر میں رہ رہے تھے۔دوسری جانب واقعہ کا وزیر اعلیٰ یوگی آدتیہ ناتھ نے نوٹس لیتے ہوئے ضلع کے سینئر افسران کو اس ضمن میں تفتیش کر کے رپورٹ پیش کرنے کی ہدایت دی ہے۔

انہوں نے خاطیوں کے خلاف سخت کاروائی کرنے کا حکم دیا ہے۔سماجوادی پارٹی(ایس پی)سربراہ اکھلیش یادو نے مندر احاطے میں دو سادھوؤں کے بہیمانہ قتل کی مذمت کرتے ہوئے کہا کہ قتل کی واردات پر سیاست نہ کر کے وقت رہتے ہوئے کارروائی کی جانی چاہئے۔مسٹر یادو نے اپنے ٹوئٹ میں لکھا”اترپردیش کے ضلع بلند شہر میں مندر احاطے میں دو سادھوؤں کا قتل قابل مذمت اور تکلیف دہ ہے۔ اس طرح کے قتل کی واردات پر سیاست نہ کر کے اس طرح کی واردات کی اہم وجہ کو تلاشنے کی ضرورت ہے۔ اسی بنیاد پر وقت رہتے ہوئے مناسب کارروائی کی جانی چاہئے“۔

ایک نظر اس پر بھی

شیوسینا کا طنز:کانپور انکاؤنٹر نے’انکاؤنٹر اسپیشلسٹ‘یوپی حکومت کو بے نقاب کردیا 

شیوسینا نے کہا کہ کانپور انکاؤنٹر نے ’انکاؤنٹر اسپیشلسٹ‘اترپردیش حکومت کو بے نقاب کردیا ہے اور اس واقعے نے وزیر اعلی یوگی آدتیہ ناتھ کے ریاست میں غنڈہ گردی ختم کرنے کے دعوے پر سوالات کھڑے کردیئے ہیں۔

کورونا کے خلاف جنگ میں پنجاب دیگر ریاستوں سے آگے

عالمی وبا کورونا وائرس سے نمٹنے میں پنجاب ملک کی دیگرریاستوں سے آگے نکل گیا ہے۔ یہ اطلاع صحت اور خاندانی بہبود کے وزیر بلبیر سنگھ سدھو نے کل ربو اونچی گاؤں میں بابا مہاراج سنگھ کے شہیدی دیوس پر منعقدہ ریاستی سطح کے پروگرام کے بعد صحافیوں سے بات چیت کے دوران دی۔ انہوں نے کہا کہ ...

منگلورو: رکن اسمبلی یوٹی قاد ر کی مداخلت کے بعد نجی اسپتال ہوا پوزیٹیو حاملہ خاتون کے علاج پر راضی

ایک نجی اسپتال میں زچگی کے لئے داخل ہونے والی خاتون کی کورونا جانچ رپورٹ پوزیٹیو آنے کے بعد اسپتال نے اس کاعلاج اور زچگی کرنے سے انکار کردیا۔ مگر رکن اسمبلی یوٹی قادر کی مداخلت کے بعداسپتال انتظامیہ اس خاتون کی زچگی اور علاج کے لئے راضی ہوگئی۔

کورونا سے متاثرہ لوگوں کو بھٹکل ویمن سینٹر کیا گیا شفٹ؛ مزید بستروں کی ہوگی ضرورت

بھٹکل ویمن سینٹر کو کوویڈ۔19 سینٹر میں منتقل کرنے کے بعد  آج اتوار کو بھٹکل سرکاری اسپتال سے تمام کورونا سے متاثرہ لوگوں کو منتقل کیا گیا۔ اس موقع پر قومی سماجی ادارہ مجلس اصلاح و تنظیم  بھٹکل کی جانب سے محمد صادق مٹا  موجود تھے۔ انہوں نے بتایا کہ کل سنیچر رات کو سونارکیری ...

مینگلور کے قریب بنٹوال میں مکانوں پر پہاڑی کھسک گئی؛ دو معصوم جاں بحق

گذشتہ دس دنوں سے جاری موسلادھار بارش کے دوران آج اتوار کو  قریبی علاقہ بنٹوال کے بنگلاگُڈے میں  ایک پہاڑی کھسک کر تین   مکانوں پر گرنے سے تینوں  مکان زمین بوس ہوگئے  بتایا گیا ہے کہ دوپہر کو جس وقت یہ حادثہ پیش آیا،  ایک مکان میں دو  بچے آرام کررہے تھے، مکان  گرنے سے دونوں ...