’جان گنوانے والے کسانوں کو سماجوادی پارٹی حکومت بننے پر 25 لاکھ روپئے ملیں گے‘، اکھلیش کا اعلان

Source: S.O. News Service | Published on 25th November 2021, 11:06 AM | ملکی خبریں |

لکھنؤ،25؍نومبر (ایس او نیوز؍ایجنسی)  سماج وادی پارٹی(ایس پی) سربراہ اکھلیش یادو نے کسان تحریک کے دوران جان گنوانے والے کسانوں کے اہل خانہ کو اترپردیش میں ایس پی حکومت بننے پر 25 لاکھ روپئے بطور 'کسان شہادت سمان' رقم دینے کا اعلان کیا ہے۔

اکھلیش نے بدھ کو بڑا اعلان کرتے ہوئے بتایا کہ اترپردیش اسمبلی انتخابات کے بعد ایس پی کی حکومت بننے پر تحریک کے دوران جان گنوانے والے کسانوں کو شہید کا درجہ دیا جائے گا۔ انہوں نے ٹوئٹ کر کے بتایا کہ 'کسان کی جان انمول ہے کیونکہ وہ دوسروں کی زندگی کے لئے اناج اگاتا ہے۔ ہم وعدہ کرتے ہیں کہ سال 2022 میں سماج وادی پارٹی کی حکومت بننے پر کسان تحریک میں شہید ہوئے کسانوں کو 25 لاکھ روپئے بطور 'کسان شہادت سمان رقم' کے طور پر دی جائے گی۔

قابل ذکر ہے کہ مرکزی حکومت کے ذریعہ پارلیمنٹ سے پاس کئے گئے تین زرعی قوانین کے خلاف ایک سال سے جاری کسان تحریک کے دوران 700 سے زیادہ کسانوں کی مختلف وجوہات سے موت ہوگئی۔ حال ہی میں وزیر اعظم نریندر مودی نے تینوں زرعی قوانین واپس لینے کا اعلان کرتے ہوئے کسانوں سے تحرک ختم کرنے کی اپیل کی تھی۔ اس کے بعد کسان لیڈر راکیش ٹکیٹ نے تحریک میں مارے گئے کسانوں کی شہادت کا درجہ دینے، اہل خانہ کو معاوضہ دینے اور کسانوں کے خلاف درج مقدمے واپس لینے کا مطالبہ کیا ہے۔

ایک نظر اس پر بھی

بھیما کوریگاؤں معاملے کی ملزم سدھا بھاردواج کی مشکلات میں اضافہ، ضمانت کے خلاف سپریم کورٹ پہنچی این آئی اے

چھتیس گڑھ کی معروف سماجی کارکن اور وکیل سدھا بھاردواج کو ممبئی ہائی کورٹ کی طرف سے دی گئی ضمانت کے خلاف قومی تحقیقاتی ایجنسی (این آئی اے) نے سپریم کورٹ میں عرضی دائر کی ہے۔