بھٹکل:25؍فروری(ایس اؤ نیوز) انجمن انسٹی ٹیوٹ آف ٹکنالوجی اینڈ مینجمنٹ بھٹکل کے شعبہ الکٹرانکس اینڈ کمیونکشن انجنئیرنگ کے زیر اہتمام ’انڈیا خلاء میں ۔ تقاضے اور کارنامے ‘ کے عنوان پر 22فروری کو ایک ٹکنکل ٹاک کا اہتما م ہوا۔

مذاکرے میں اسرو کے وظیفہ یاب سائنس دان پی جے بھٹ نےبھارت کے خلائی پروگراموں میں اسرو کی شراکت اور کامیابیوں کی تفصیل بیان کرتے ہوئے بتایا کہ اسرو نے کس طرح عام زندگی کو دن بدن آسان بنانے کا کام کیاہے۔ انہوں نے خاص کر اسروکے چندریان اور منگل یان کا تذکرہ کیا۔ اپنے خطاب کے آخر میں انہوں نے طلبا کے سوالات کا جواب دیتے ہوئے  اسرو کے لئے انجنئیرس کی ضرورت اور کیرئیر کے مواقع پر روشنی ڈالی۔

کالج پرنسپال ڈاکٹر ایم اے بھاوی کٹی نے افتتاحی تقریب کی صدارت کی۔ انجمن کے الومنی اورانجمن مجلس عاملہ کے رکن ارشد کاڈلی نے اعزازی مہمان کے طورپر اپنے خیالات کااظہار کرتےہوئے طلبا سےکہاکہ وہ تخلیق اور جدیدطرز کی فکر اپنائیں۔ صدر شعبہ ڈاکٹر ٹی ایم پی راج کمار نے استقبال کیا۔ ضیاء الحق نے شکریہ کلمات پیش کئے۔ کلیم الدین نے نظامت کے فرائض انجام دئیے۔