بھٹکل:4؍ مئی (ایس اؤ نیوز)تلنگانہ کی ریاستی حکومت نے جس طرح پرائیویٹ اسکول اساتذہ کے لئے خصوصی پیکیج کا اعلان کیا ہے اسی طرح کا پیاکیج ریاست کرناٹک  میں بھی پرائیویٹ ٹیچروں کو دئیے جانے کامطالبہ لےکر آل انڈیا آئیڈئیل ٹیچرس اسوسی ایشن کرناٹک کےصدر محمد رضا مانوی نے بھٹکل اسسٹنٹ کمشنر کے توسط سے ریاستی وزیر تعلیم کو میمورنڈم سونپا۔

اس سلسلےمیں انہوں نے بتایا کہ گذشتہ ایک سال سے پرائیویٹ ہائی اسکول اور کالج کے اساتذہ کی زندگی کسمپرسی میں گزر رہی ہے۔ صرف 30-40فی صد تنخواہوں پر گذارا ہورہاہے۔ ا ب کورونا کی دوسری لہر کے چلتے پھر ایک بار اسکول اور کالج بند ہوگئے ہیں۔ ان حالات میں اساتذہ کی زندگی مزید پریشان کن ہوگی  تو حکومت کی ذمہ داری بنتی ہےکہ وہ پرائیوئٹ اسکولوں کے اساتذہ کی مدد کے لئے آگے آئیں۔ اور تلنگانہ حکومت کی طرح ماہانہ 5ہزارروپئے مشاہیرہ اور 25 کلو  چاول دینے کا مطالبہ کیا ہے۔ اس موقع پر آئیٹا کے مقامی صدر محمد عمران ملا موجود تھے۔