میسورو،25؍ستمبر (ایس او نیوز؍نامہ نگار)26ستمبر تا 5اکتوبر کو میسور میں منعقد کی جانے والی دسہرہ تقریبات کے موقع پر میسور کو پاک و صاف رکھنے میسور سٹی کارپوریشن پوری طرح تیار ہے۔
بروز جمعہ میسورو کے مئیر شیو کمار نے ہری جھنڈی دکھا کر اس کارروائی کا افتتاح کیا۔ میسور سٹی کارپوریشن کی جانب سے میسور میں تعمیر کی جانے والی عمارتوں سے پڑنے والے اینٹ، بالو اورسیمنٹ کو ٹرکوں کے ذریعہ پاک و صاف کرنے کا منصوبہ بنایا ہے۔
میسور ومیں بارشوں کی وجہ سے پانی سے بھر جانے والے نالوں کی پاکی و صفائی کی جائیگی۔راستوں کی دونوں جانب واقع درختوں کو کاٹے جانے کی کارروائی بھی کی جائیگی۔
میسور وکے کل 65 وارڈوں کیلئے 65ٹرکوں کو استعمال کیا جائیگا۔ یہ کارروائی بروز اتوار دسہرہ تقریبات کے افتتاح کے ایک دن پہلے تک کیا جائے گی۔
صدر جمہوریہ دروپدی مرمو 26ستمبر کو میسور کے قریب واقع چامنڈی پہاڑ پردسہرہ تقریبات کا افتتاح کریں گی۔
میسور کی ڈپٹی میئر ڈاکٹر جی روپا، رکن اسمبلی ایل ناگیندرا اور دیگرکارپوریٹرس اور میسور سٹی کارپوریشن کے انجینئرس اس موقع پر موجود تھے۔