یدی یورپا کو پورا اعتماد، صرف ایک دن کی مہمان ہے کمارسوامی حکومت

Source: S.O. News Service | By Shahid Mukhtesar | Published on 21st July 2019, 10:57 PM | ریاستی خبریں |

بنگلورو،21/جولائی (ایس او نیوز/ آئی این ایس انڈیا) کرناٹک بی جے پی چیف اور سابق وزیراعلیٰ بی ایس یدی یورپا نے پوری امید ظاہر کی ہے کہ ریاست کی کانگریس۔ جے ڈی ایس اتحاد کی حکومت کے دن پورے ہو چکے ہیں اور پیر کو ان کی حکومت کا آخری دن ہوگا۔انہوں نے کہاکہ کانگریس کے سینئر لیڈر سدارمیا، وزیراعلیٰ ایچ ڈی کمارسوامی اور اسپیکر نے کہا ہے کہ وہ پیر کو اکثریت ثابت کریں گے، ایسے میں مجھے پورا بھروسہ ہے کہ چیزیں ایک نتیجے پر پہنچیں گی،مجھے یقین ہے کہ پیر کا دن کمارسوامی حکومت کا آخری دن ہوگا۔ یدی یورپا ریاست میں پیدا ہوئے سیاسی بحران کی طرف اشارہ کر رہے تھے۔حالیہ دنوں میں ایک کے بعد ایک ممبران اسمبلی اور وزراء کے استعفیٰ سے بحران میں آئی کمارسوامی حکومت کو بچانے میں ریاست کے کانگریس اور جے ڈی ایس لیڈر پوری طاقت جھونک رہے ہیں، اگرچہ دو آزاد اراکین اسمبلی نے جہاں استعفیٰ کی تجویز واپس لے لی ہے، وہیں کانگریس کے ممبر اسمبلی شریمت پاٹل کے اچانک غائب ہونے اور بعد میں ممبئی کے اسپتال میں داخل ہونے کی خبر نے حکومت پر بحران کھڑا کر دیا ہے۔اب پیر کو کرناٹک اسمبلی میں فلور ٹیسٹ ہونا ہے جو کمارسوامی حکومت کا مستقبل طے کرے گا۔یدی یورپا نے الزام لگایا کہ ریاستی حکومت بے وجہ اکثریت ٹیسٹ کی تاریخ کو آگے بڑھاتی جا رہی ہے، جبکہ وہ جانتی ہے کہ اس کی طرف سے اپنے ممبران اسمبلی کو جاری کئے گئے وہپ کا کوئی مطلب نہیں ہے۔یدی یورپا نے پیر کو جاری سپریم کورٹ کے حکم کا حوالہ دیتے ہوئے کہاکہ سپریم کورٹ نے اپنے حکم میں صاف کہا ہے کہ ممبئی میں ٹھہرے ہوئے 15 ممبران اسمبلی کو ایوان کی کارروائی میں حصہ لینے کے لئے پابند نہ کیا جائے،یہ ان پر چھوڑ دیا جائے کہ وہ ایوان کی کارروائی میں حصہ لینا چاہتے ہیں یا نہیں۔انہوں نے کہا کہ ایسی صورت میں وہپ کی کوئی قیمت نہیں رہ جاتی ہے اور یہ حکمراں پارٹی کو بھی اچھے سے معلوم ہے۔یدی یورپا نے کہا کہ گورنر نے وزیر اعلی کمارسوامی کو واضح ہدایات دی ہیں کہ حکومت اقلیت میں ہونے کے سبب وہ کوئی اہم فیصلہ نہ اٹھائیں،اگرچہ وزیر اعلی نے ان کی رائے کو بھی ان سنا کر دیا ہے اور مسلسل اہم فیصلے لے رہے ہیں۔

ایک نظر اس پر بھی

بلند عزائم کی انوکھی کہانی: بنگلوروکے بس کنڈکٹر نے پاس کیا آئی اے ایس کا امتحان۔ ڈیوٹی کے ساتھ روزانہ کرتاتھا 5گھنٹے پڑھائی!

بنگلورو میٹروپولیٹن ٹرانسپورٹ کارپوریشن (بی ایم ٹی سی) کی بس میں کنڈکٹر کی ملازمت کرنے والے مدھو این سی ثابت کردکھایا  کہ اگر ارادے پختہ ہوں، عزائم بلند ہوں اور دل و جان سے محنت کی جائے تو کامیابی کے آسمان کو چھونا کوئی مشکل بات نہیں ہے۔ 

چکبالاپور میں سرکاری میڈیکل کالج واسپتال کے تعمیری کام کا آغاز

ضلع کے لئے منظور کی گئی سرکاری میڈیکل کالج و اسپتالکیتعمیری کام کا آغاز آج سے کیا جارہا ہے جس کو اگلے ڈھائی سال میں مکمل کرلیا جائے گا۔ میڈیکل کالج کے تعمیر ہونے سے دونوں اضلاع سمیت آندھرو دیگر ریاستوں کے غریب وکمزور لوگوں کو بہت سہولت فراہم ہوسکے گی۔

غیر قانونی بنگلہ دیشیوں کے نام پر غریب مزدوروں کی جھونپڑیاں منہدم کرانے والے انجینئر کا تبادلہ ، مزدوروں میں خوف و ہراس ، کرناٹک ہائی کورٹ نے لگائی پھٹکار

بنگلورو میں غیر قانونی بنگلہ دیشی تارکین وطن کو ہٹانے کے بہانے سینکڑوں جھونپڑیوں کو بی بی ایم پی نے منہدم کردیا۔ مہادے پورہ زون کے کریّمنا ا گراہار ،کاڑوہیسناہلی، دیورا ہیسناہلی، بیلندور، ورتور میں بی بی ایم پی نے 300 سے زائد جھونپڑیوں کو منہدم کردیا۔

سی اے اے کیخلاف قرار دادیں ’’دستوری اعتبار سے بھیانک غلطی‘‘ ، کوئی طاقت کشمیری پنڈتوں کو کشمیر واپس جانے سے نہیں روک سکتی ؛ منگلورو میں ریالی سے راجناتھ سنگھ کا خطاب

وزیر دفاع راجناتھ سنگھ نے آج اپوزیشن پارٹیوں کو ہدف تنقید بناتے ہوئےاُن سے خواہش کی ہے کہ یہ پارٹیاں ‘ جہاں اُن کی اکثریت ہے، ریاستی اسمبلیوں میں سی اے اے کیخلاف قرار دادیں منظور کرتے ہوئے ’’دستوری اعتبار سے بھیانک غلطی ‘‘ نہ کریں۔ راجنا تھ سنگھ نے اپوزیشن پارٹیوں کو مشورہ ...