یادگیرکے بعد بیلگاوی میں بھی آلودہ پانی پینے سے دو لوگوں کی موت - 94 افراد بیمار؛ پائپ پھٹنے سے گندہ پانی پہنچ رہا تھا گھر گھر

Source: S.O. News Service | By I.G. Bhatkali | Published on 27th October 2022, 6:37 PM | ریاستی خبریں |

بیلگاوی 27/ اکتوبر (ایس او نیوز) چار دن قبل یادگیر میں آلودہ پانی پینے سے 2 افراد کی موت واقع ہونے کا واقعہ پیش  آیا تھا لیکن اب اسی طرح کی واردات بیلگاوی کے مودینور گاوں میں بھی پیش آئی ہے۔

بیلگام سے ملی اطلاع کے مطابق آلودہ پانی پینے کی وجہ سے شیوپّا اینڈیگیری (60) اور سرسوتی نینگپا ہاولی کی موت واقع ہوگئی ہے جبکہ 94 افراد دست و قئے میں مبتلا ہوگئے ہیں اور انہیں علاج کے لئے اسپتالوں میں داخل کیا گیا ہے ۔ پتہ چلا ہے کہ ان میں سے 4 کی حالت نازک بنی ہوئی ہے۔ اور ان کا علاج ڈسٹرکٹ ہاسپٹل میں کیا جا رہا ہے ۔ 

مقامی لوگوں کا کہنا ہے کہ آلودہ پانی پینے کی وجہ سے شیوپّا چار دن پہلے بیمار ہوا تھا ۔ ان کا کہنا ہے کہ 23 اکتوبر کو پانی کا پائپ پھٹنے کے بعد اس میں گندہ پانی شامل ہوگیا اور نلوں کے ذریعہ گندا اور آلودہ پانی گھروں میں پہنچ گیا ۔ مودینور میں آلودہ پانی کی وجہ سے اب تک جتنے لوگ بیمار ہوئے ہیں ان میں 44 مرد، 30 خواتین، 12 لڑکے اور 8 لڑکیاں شامل ہیں ۔ 

 وزیر آب پاشی گووند کاراجول نے اعلان کیا ہے کہ مرنے والے شخص کے اہل خانہ کو حکومت کی طرف سے 10 لاکھ روپے معاوضہ دیا جائے گا ۔ بتایا جاتا ہے کہ اس واقعہ کی خبر ملنے پر بی جے پی ایم ایل اے مہادیوپّا یادواڈا نے موقع پر پہنچ کر صاف ستھرا پینے کا پانی فراہم کرنے میں ناکامی کے لئے سرکاری افسران کو آڑے ہاتھوں لیا ۔

یادگیر کے شاہ پور تعلقہ کے کوتھے پیٹ علاقے میں چار دن پہلے آلودہ پانی پینے کی وجہ سے دست و قئے میں لوگوں کے مبتلا ہونے کا معاملہ پیش آیا تھا اس کے بارے میں پتہ چلا ہے کہ ایک پرانے کنویں سے پانی نلوں کے ذریعہ گھروں تک سپلائی کیا گیا تھا اور وہ پانی آلودہ تھا جس کی وجہ سے ایرمّا ہیرے مٹھ (90 سال) اور ہونپّا گوڈا (45 سال) نامی دو افراد کی موت ہوئی تھی ۔ گاوں کے 220 گھروں میں رہنے والے افراد دست اور قئے کا شکار ہوئے تھے ۔ ان میں سے 12 افراد کو مختلف اسپتالوں میں داخل کیا گیا ہے اور کچھ لوگوں کا علاج پرائمری ہیلتھ سینٹرس میں کیا جا رہا ہے ۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔