صدر کے بعد شاید میں ہی افغانستان کی سب سے مقبول ہستی ہوں:راشد خان

Source: S.O. News Service | By Shahid Mukhtesar | Published on 30th May 2018, 2:23 PM | اسپورٹس |

نئی دہلی ، 29 مئی (یو این آئی) انڈین پریمئرلیگ میں شاندار کارکردگی کا مظاہرہ کرنے والے افغانستان کے اسٹار بولر راشد خان کے ہندوستان میں خوب چرچے ہونے لگے ہیں اور وہ سوشیل میڈیا آئکون بن گئے ہیں۔اپنی شہرت اور کامیابی پر ناز کرتے ہوئے ان کا کہنا ہے کہ صدر کے بعد شاید میں ہی افغانستان کی سب سے مقبول ہستی ہوں۔راشد خان ٹی 20 کی عالمی رینکنگ میں پہلے سے ہی پہلے نمبر پر ہیں لیکن آئی پی ایل میں ان کی کارکردگی نے ان کی اہمیت میں مزید اضافہ کیا ہے ۔آئی پی ایل کے فائنل سے قبل افغانستان کے اسٹار بولر راشد خان انڈیا کے سوشیل میڈیا پر چھائے رہے ،انہوں نے پلے آف میں کولکتہ کو اپنی بہترین آل راؤنڈ کارکردگی سے تقریباً تنہا شکست دے دی اور اسی لیے ان کی ہر طرف تعریف ہو رہی ہے ۔انڈین پریمئرلیگ کا سیزن 11 اب تک کے سب ہی آئی پی ایل میں سب سے زیادہ دلچسپ رہا۔حیدرآباد کی ٹیم میں چنے جانے والے انیس سالہ افغانی کرکٹر راشد خان نے بہترین کارکردگی کا مظاہرہ کیا، پورے ٹورمنٹ میں حیدرآباد کی ٹیم سبھی ٹیموں پر حاوی رہی۔جہاں ایک طرف معروف کرکٹر سچن ٹنڈولکر نے انہیں ٹی 20 کا بہترین اسپنر قرار دے دیا تو دوسری جانب بہت سے ہندوستانی ٹوئٹرصارفین انہیں ہندوستانی شہریت دیئے جانے کا مطالبہ کرنے لگے ۔سچن ٹنڈولکر نے لکھاکہ 'مجھے ہمیشہ یہ محسوس ہوا کہ راشد خان اچھے اسپنر ہیں لیکن اب مجھے یہ کہنے میں کوئی ہچکچاہٹ نہیں کہ وہ اس فارمیٹ میں دنیا کے بہترین اسپنر ہیں۔ اس کے ساتھ ان کے پاس بیٹنگ کا بھی ہنر ہے ، عظیم شخص۔'اس ٹوئٹ کے بارے میں جب راشد خان کو اپنے دوست سے پتہ چلا تو انہوں نے بہت حیرت کا مظاہرہ کیا۔اس بارے میں انہوں نے کہا کہ ٹنڈولکر کے ٹوئٹ کے بارے میں جاننے کے بعد میں ایک دو گھنٹے تک جواب دینے کے قابل نہیں رہا، مجھے سمجھ نہیں آیا کہ میں اس ٹوئٹ کے جواب میں کیا لکھوں۔راشدخان کا کہنا تھا کہ سچن ٹنڈولکر پورے افغانستان میں بہت زیادہ شہرت رکھتے ہیں اور پسند کئے جاتے ہیں،ان کے اس ٹوئٹ کو پورے افغانستان نے پڑھا ، یہ میرے لئے اعزاز کی بات ہے کہ انہوں نے میری تعریف کی۔'افغان صدر نے بھی راشد خان کے کھیل کی تعریف کرتے ہوئے کہا کہ وہ اپنے دوست ملک ہندوستان کا افغانستان کے کھلاڑیوں کو آئی پی ایل میں کھیلنے کا موقع دینے کے لئے شکریہ ادا کرتے ہیں۔ افغان کھلاڑیوں کو آئی پی ایل میں ان کی صلاحیت دکھانے کا موقع دیا ۔انہوں نے راشد خان کو ہندوستان کو دینے سے انکار کردیا۔واضح رہے آئی پی ایل کے موجودہ ایڈیشن کی نیلامی میں لیگ اسپنر راشد خان کو افغانستان کی جانب سے سب سے زیادہ قیمت ملی ۔ان کو گزشتہ چیمپئن سن رائزر حیدرآباد نے چار کروڑ روپے میں خریدا ، ان کی بیس پرائس50لاکھ روپے تھی۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...