کمٹہ کے شخص کو بھٹکل میں میت کی آخری رسومات میں شریک ہونے کے لئے آنا پڑ گیا مہنگا؛ کورونا کے نام سے کیا گیا کورنٹائن

Source: S.O. News Service | Published on 10th May 2020, 12:29 PM | ساحلی خبریں |

بھٹکل،10؍مئی (ایس او نیوز) لاک ڈاؤن کے دوران بھٹکل میں ہوئی ایک میت کی آخری رسومات میں شریک ہونا ایک شخص کو اتنا زیادہ مہنگا پڑگیا کہ اُسے واپس جانے پر کمٹہ میں کورنٹائن کردیا گیا ہے۔

ذرائع سے ملی اطلاع کے مطابق  کمٹہ کے ایک شخص کا سسرال بھٹکل میں ہے،  بھٹکل میں لاک ڈاون سے ایک دن پہلے ان کے کسی رشتہ دار کا انتقال ہوا تو وہ اپنی اہلیہ ، بیٹا اور بھابھی کو لے کر بھٹکل آیا تھا اور میت کی آخری رسومات میں شریک ہوکر اُسی دن واپس کمٹہ چلا گیا تھا، بعد میں بھٹکل میں کورونا کے ایک ساتھ 12 کیسس سامنے آئے تھے اور بھٹکل کو لاک ڈاون کردیا گیا تھا۔

بتایا گیا ہے کہ جب یہ شخص واپس کمٹہ پہنچا تو اس شک سے کہ اُس کے ساتھ کورونا بھی آیا ہوگا، اس کو  اور اس کے گھروالوں کو ہوم کورنٹائن کیا گیا اور تاکید کی گئی کہ وہ اپنے گھر سے باہر نہ نکلے۔  اس دوران بتایا گیا ہے کہ کل سنیچر  کو ان  کے بھائی نے جب دکان کھولی تو کسی نے پولس سے شکایت کی، جس کی بنیاد پر پولس نے ان کی دکان کو بندکرنے کا حکم دینے کے ساتھ ساتھ اُن کے بھائی کو بھی ہوم کورنٹائن کردیا گیا ہے۔ کمٹہ کے لوگوں نے بتایا کہ اس معاملے کو لے کر بعض میڈیا میں غلط خبریں شائع ہوئی ہیں اور عوام کو گمراہ کیا جارہا ہے۔

 بھٹکل میں بھی کورونا کے تازہ معاملات سامنے آنے کے بعد سوشیل میڈیا میں افواہوں کا بازار گرم ہوگیا ہے جس کی وجہ سے  لوگوں میں خوف و ہراس اور تشویش کی لہر دوڑ گئی ہے۔

ایک نظر اس پر بھی

بھٹکل: حنیف آباد میں کیبل بچھانے کے لئے کی جارہی کھدائی پر عوام ناراض؛ کام روک دیا گیا

تعلقہ کے حنیف آباد میں کیبل بچھانے کے لئے کی جارہی کھدائی کے کام کو روک  کر عوام نے سخت احتجاج کیا اورہیبلے پنچایت سمیت  اسسٹنٹ کمشنر  سے شکایت کرتے ہوئے کھودے گئی جگہ پر واپس مٹی ڈالی گئی ۔

اڈپی پولیس نے کروائی عادی منشیات فروشوں کی پریڈ

منشیات کے خلاف جاری مہم کو تیز کرتے ہوئے اڈپی پولیس سپرنٹنڈنٹ وشنو وردھن نے اے ایس پی   کمار اچندرا، پولیس سب ڈیویژن آفیسر جئے شنکرا، آرمڈ ریزروفورس کے ڈی وائی ایس پی راگھویندرا، اڈپی سرکل انسپکٹر منجوناتھ کے علاوہ دیگر افسران کو ساتھ لے کر چندو میدان میں عادی منشیات فروشوں ...