اقوام متحدہ،31؍اگست (ایس او نیوز؍ایجنسی) افغانستان میں اس سال شدید بارشوں کی وجہ سے 250 افراد ہلاک ہو چکے ہیں۔ اقوام متحدہ کے سیکرٹری جنرل انٹونیو گٹریس کے چیف ترجمان اسٹیفن ڈوجارک نے منگل کو یہ اطلاع دی۔ انہوں نے کہا کہ افغانستان میں انسانی ہمدردی کی تنظیمیں ضروریات کا جائزہ لیتی ہیں اور متاثرہ 100000 لوگوں کے لیے امداد فراہم کرتی ہیں۔

انہوں نے کہا کہ ’’اب تک 85,000 لوگوں کو خوراک، خیمے، صحت دیکھ ریکھ خدمات، پانی، صفائی کی کٹس وغیرہ جیسی اہم سہولیات فراہم کی گئی ہیں‘‘۔انہوں نے کہا کہ جون کے آخر تک افغانستان میں تقریباً 23 ملین افراد کو انسانی امداد فراہم کی گئی۔

انسانی امو کے رابطہ عاملہ کے لئے اقوام متحدہ کے دفتر کا کہنا ہے کہ اس سال افغانستان میں 250 افراد ہلاک ہوئے ہیں، جو کہ گزشتہ برس کے 147 کے مقابلے میں 75 فیصد زیادہ ہیں۔ اس سال افغانستان کے 34 میں سے 30 صوبے سیلاب سے متاثر ہوئے ہیں جن میں کنار، خوست، لوگر اور قندھار صوبے سب سے زیادہ متاثر ہوئے ہیں۔

اقوام متحدہ کے دفتر نے کہا کہ افغانستان ہیومینٹیرین ریسپانس پلان کا مقصد اس سال 2.21 کروڑ افراد کی زندگی بچانے والی امداد فراہم کرنا ہے۔ اس کے لیے 4.44 ارب امریکی ڈالر کے منصوبے کا 42 فیصد فنڈ فراہم کیا گیا ہے۔