ماسکو اجلاس میں ’اعلیٰ امن کونسل‘ غیر سرکاری حیثیت میں شریک ہے: افغان ترجمان

Source: S.O. News Service | By Shahid Mukhtesar | Published on 11th November 2018, 11:16 AM | عالمی خبریں |

واشنگٹن 11نومبر ( ایس او نیوز؍آئی این ایس انڈیا ) ایسا لگتا ہے کہ حکومتِ افغانستان نے ماسکو میں منعقدہ اجلاس سے اپنے آپ کو دور رکھا ہے، جہاں طالبان وفد پہلی بار کسی بین الاقوامی فورم پر نظر آیا۔حالانکہ ایک ہی روز قبل روسی وزارتِ خارجہ نے اعلان کیا تھا کہ اجلاس میں شرکت کے لیے صدر اشرف غنی اعلیٰ امن کونسل پر مشتمل وفد بھیج رہے ہیں۔ جمعے کے روز ایک بیان میں افغان دفتر خارجہ نے کہا ہے کہ حکومت نے ماسکو اجلاس میں شرکت کے لیے کوئی نمائندہ نہیں بھیجا۔بیان میں کہا گیا ہے کہ ’اعلیٰ امن کونسل‘ بحیثیت شہری، لیکن غیر سرکاری ادارے کے طور پر، اجلاس میں شریک ہے۔ماسکو کے اجلاس میں افغان طالبان کے ساتھ ساتھ 12 ملکوں کے وفود شریک ہیں۔ اجلاس کا مقصد افغان تنازع کے تمام متعلقہ فریق کو اکٹھا کرنا ہے۔ روسی وزیر خارجہ سرگئی لاوروف نے جمعے کی صبح اجلاس کا افتتاح کرتے ہوئے کہا کہ اس کا مقصد ایک سازگار ماحول پیدا کرنا ہے جس میں حکومت، طالبان اور ملک کے دیگر سماجی اور سیاسی حلقوں کے وسیع تر نمائندے شریک ہوں۔گفت و شنید کا مشاہدہ کرنے کے لیے، ماسکو میں امریکی سفارت خانے نے اپنا نمائندہ بھیجا تھا۔گذشتہ سال ماسکو میں منعقد ہونے والے پہلے اجلاس میں امریکہ اور طالبان شریک نہیں تھے۔ جس میں افغان حکومت کی سرکاری طور پر نمائندگی موجود تھی۔جمعہ کے روز روسی حکومت کی جانب سے سامنے آنے والے اِس اعلان کے باوجود کہ اجلاس کا یہ دوسرا دور ہے، افغان بیان میں اِس بات پر زور دیا گیا ہے کہ یہ (ماسکو سلسلہ جنبانی) کے گذشتہ اجلاس کا تسلسل نہیں تھا، جو بیرونی ملکوں میں ہوتا رہا ہے، چونکہ آج کے اجلاس میں طالبان کو بھی مدعو کیا گیا ہے۔عین ممکن ہے کہ ماسکو اجتماع کے بارے میں افغان ردِ عمل کی ضرورت اِس لیے پیش آئی ہو کہ طالبان نے ایک بیان دیا ہے کہ کانفرنس کی صدارت افغانستان نہیں رہا ہے؛ اور یہ کہ اْس کا وفد افغان وفد کے ساتھ مذاکرات نہیں کرے گا۔یہ بیان طالبان ترجمان، ذبیح اللہ مجاہد نے جاری کیا تھا جس میں اِس بات پر زور دیا گیا تھا کہ یہ گروپ کی بڑھتی ہوئی بین الاقوامی حیثیت کا مظہر ہے۔اْنھوں نے دعویٰ کیا کہ ’’اس اجلاس میں شرکت سے، اسلامی امارات کی بین الاقوامی ساکھ مزید مضبوط ہوگی‘‘۔ اسلامی امارات وہ نام ہے جو طالبان اپنی حکومت کے لیے استعمال کیا کرتے تھے، جب وہ افغانستان پر قابض تھے۔دریں اثنا، صدر ڈونالڈ ٹرمپ کی جانب سے طالبان کے ساتھ مذاکرات کا آغاز کرنے کے لیے تعینات کردہ نمائندہ? خصوصی، زلمے خلیل زاد نے خطے کا 12 روزہ دورہ شروع کر دیا ہے۔ امریکی محکمہ خارجہ کے ایک پریس رلیز میں کہا گیا ہے خلیل زاد افغانستان، پاکستان، متحدہ عرب امارات اور قطر کا دورہ کریں گے۔

ایک نظر اس پر بھی

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...

غزہ : پیراشوٹ نہ کھلنے سے امدادی سامان فلسطینیوں پر گرگیا، 5افراد جاں بحق

یہاں ہیلی کاپٹر کے ذریعے امدادی سامان پھینکنے کے دوران ایک بھاری پیکٹ پیرا شوٹ نہ کھلنے کی وجہ سے امداد کے منتظر فلسطینی خاندان پر گر گیا جس میں 5 افراد جاں بحق ہو گئے جبکہ 10سے زائد زخمی بتائے جارہے ہیں۔ اردن کی فوج کے ایک اہلکار نے نام نہ ظاہر کرنے کی شرط پر اے ایف پی کو بتایا کہ ...