منگلورو انٹرنیشنل ایئر پورٹ بورڈ سے آدانی کا نام ہٹا دیا گیا
منگلورو 11/ ستمبر (ایس او نیوز) منگلورو انٹرنیشنل ایئر پورٹ کا انتظام و انصرام آدانی گروپ کے حوالے کیے جانے کے بعد بورڈ پر ترمیم کرتے ہوئے آدانی ایئر پورٹ لکھا گیا تھا جس کے خلاف مقامی لوگوں نے احتجاجی مظاہرے کیے اور پھر سوشیل ایکٹیوسٹ نے آرٹی آئی کے ذریعہ جانکاری حاصل کی کہ ایئر پورٹ اتھاریٹی اور آدانی گروپ کے درمیان جواگریمنٹ ہوا ہے اس میں نام تبدیل کرنے کی کوئی گنجائش نہیں ہے ۔
اس سلسلے میں کام کرنے والے سوشیل ایکٹیوسٹ دلراج آلوا نے پریس کانفرنس کرکے اطلاع دی ہے کہ قانونی جدوجہد کے نتیجہ میں آدانی گروپ اب ایئر پورٹ کے بورڈ پر سے اپنا نام ہٹانے پر مجبور ہوگیا اور پھر سے منگلورو انٹرنیشنل ایئر پورٹ کا نام بحال کردیا گیا ہے ۔