بنگلورو، 14؍نومبر (ایس او نیوز)ریاستی وزیر برائے کو آپریشن ایس ٹی سوم شیکھر نے خبردار کیا کہ محکمہ کو آپریشن کو بدنام کرنے والے اداروں کے خلاف سخت کارروائی کی جائے گی۔

یہاں وی وی پورم کے واسوی ہال میں دھرما درشیٹی سوہاردا کریڈٹ کو آپریٹیو سوسائٹی لمیٹڈ کے لوگو کا اجراء کرتے ہوئے سوم شیکھر نے یہ وارننگ دی۔

انہو ں نے بتایا کہ ریاست میں 4ہزار سے زیادہ کو آپریٹیو سوساٹیاں کام کررہی ہیں لیکن چار تا پانچ اداروں کی وجہ سے محکمہ بدنام ہورہا ہے۔

انہو ں نے بتایا کہ ریاست کے کو آپریٹیو ادارو ں کے طریقہ کار پر ریزرو بینک آف انڈیا کڑی نظر رکھے ہوئے ہے۔

ریاست میں کو آپریٹیو ادارے کثیر تعداد میں کام کررہے ہیں اور اسی طرح بند بھی ہورہے ہیں لیکن دھرما درشیٹی ادارہ ترقی کی جانب گامزن ہے۔

اس موقع پر سوسائٹی کے چیف پروموٹر وشوا کاریپا،منوہر چودھری، سچن کمار ودیگر حاضر رہے۔