گجرات کے نئے گورنر کے طور پر آچاریہ دیوورت نے حلف اٹھا یا 

Source: S.O. News Service | By Shahid Mukhtesar | Published on 22nd July 2019, 10:57 PM | ملکی خبریں |

گاندھی نگر،22/جولائی (ایس او نیوز/ آئی این ایس انڈیا) آچاریہ دیوورت نے گجرات کے نئے گورنر کے طور پر پیر کو حلف اٹھایا۔یہاں راج بھون میں منعقد ایک پروگرام میں 60سالہ دیوورت کو گجرات ہائی کورٹ کے قائم مقام چیف جسٹس اننت ایس دیو نے حلف دلایا۔گجرات کے 20 ویں گورنرکے طور پر دیوورت نے سنسکرت میں حلف لیا۔سابق گورنر او پی کوہلی، وزیراعلیٰ وجے روپانی، نائب وزیراعلیٰ نتن پٹیل،ریاستی اسمبلی کے صدر راجندر تیواری، کابینہ کے کئی وزیر، رکن اسمبلی اور سینئر افسر پروگرام میں موجود تھے۔گجرات کے گورنر کا چارج سنبھالنے سے پہلے دیوورت ہماچل پردیش کے گورنرتھے۔آریہ سماج کے ساتھ منسلک رہے دیوورت نے اس سے پہلے ہریانہ میں بھی خدمات انجام دی ہیں۔ہندی میں ماسٹرز(پی جی)دیوورت کو تعلیمی اورانتظامی کاموں میں 30سال سے زیادہ کا تجربہ ہے۔انہیں دنیا بھر میں ہندوستانی ثقافت کی سمت میں کام کرنے اور لڑکیوں کی تعلیم کو فروغ دینے کے لیے جاناجاتا ہے۔

ایک نظر اس پر بھی

ای ڈی کی کارروائی سیاست پر مبنی ہے، چدمبرم کے وکیل ارشدیپ کا بیان

 سابق مرکزی وزیر پی چدمبرم کے خلاف ای ڈی (انفورسمنٹ ڈائریکٹوریٹ) نے آئی این ایکس میڈیا منی لانڈرنگ معاملہ میں بدھ کے روز لک آؤٹ نوٹس جاری کیا ہے۔ یہ نوٹس جاری ہونے کے بعد پی چدمبرم ملک سے باہر نہیں جا پائیں گے اور تمام ہوائی اڈوں، امیگریشن ڈیسکوں کو ہائی الرٹ پر رکھا گیا ہے۔

بی ایس پی پرنسپل اپوزیشن پارٹی بننے کے لئے کوشاں

 لوک سبھا انتخابات میں 10سیٹیں جیتنے والی بہوجن سماج پارٹی ریاست میں حکمراں جماعت بھارتیہ جنتا پارٹی کی اسمبلی میں پرنسپل اپوزیشن پارٹی کے طور پر ابھر کر سامنے آنے کے لئے کوشاں ہے۔ پارٹی نےسماج وادی پارٹی کی جگہ لینے کے لئے کوششیں تیز کردی ہیں۔