بنگلور میں کانگریس لیڈر ضمیراحمد خان کے مکان اور دفتر پر اے سی بی کے دھاوے؛ کانگریس نے کہا؛ سب انسپکٹرس بھرتی اسکیم سے عوام کی توجہ ہٹانے کی کوشش

Source: S.O. News Service | Published on 5th July 2022, 7:26 PM | ریاستی خبریں |

بنگلورو،5؍جولائی (ایس او نیوز؍ایجنسی) کرناٹک اینٹی کرپشن بیوروکے عہدیداروں نے منگل کے دن غیرمتناسب اثاثوں کی انفورسمنٹ ڈائرکٹوریٹ(ای ڈی) رپورٹ پر کانگریس رکن اسمبلی بی زیڈ ضمیر احمد خان کے 5 مقامات پر بہ یک وقت دھاوے کئے ہیں جس پر کانگریس کی طرف سے کہا گیا ہے کہ  یہ  اصل میں سب انسپکٹرس بھرتی اسکیم سے عوام کی توجہ ہٹانے کی کوشش ہے۔

اے سی بی عہدیداروں کے بموجب کنٹونمنٹ ریلوے اسٹیشن کے قریب ان کے بنگلہ‘ سلور اوک اپارٹمنٹس میں فلیٹ‘ سداشیونگر میں گیسٹ ہاؤز‘ بن شنکری میں جی کے اسوسی ایٹس کے دفتر اور کلاسی پالیہ میں نیشنل ٹراویلس کے دفتر کی تلاش لی گئی۔ اے سی بی کے ایک عہدیدار نے کہا کہ صبح سے ہماری کئی ٹیموں نے چھاپے مارے ہیں۔

ہماری ٹیمیں کاغذات کی جانچ کررہی ہیں۔ 4 مرتبہ رکن اسمبلی رہے ضمیر احمد خان جون 2018 سے زائداز ایک سال ایچ ڈی کمار سوامی کی حکومت میں وزیر سیول سپلائز تھے۔ گزشتہ برس اگست میں ای ڈی نے ضمیر احمد خان کے بنگلہ کے علاوہ ایک اور سابق وزیر آر روشن بیگ کے بنگلہ پر دھاوا کیا تھا۔

یہ کارروائی 4ہزار کروڑ کی آئی ایم اے پونزی اسکیم کے سلسلہ میں ہوئی تھی۔ اس اسکیم میں ہزاروں افراد (زیادہ تر مسلمان) اپنی محنت کی کمائی سے محروم ہوگئے۔ضمیر احمد خان‘ بنگلور کے حلقہ چامراج پیٹ کے رکن اسمبلی ہیں۔ وہ کئی مرتبہ ای ڈی میں حاضری دے چکے ہیں۔ کانگریس نے آج کے دھاوے کو سب انسپکٹرس بھرتی اسکیم سے عوام کی توجہ ہٹانے کی کوشش قراردیا۔

 سب انسپکٹرس کی بھرتی میں بڑے پیمانہ پر بے قاعدگیاں ہوئیں اور ایڈیشنل ڈائرکٹر جنرل پولیس امرت پال کو اس سلسلہ میں گرفتار کیا جاچکا ہے۔ سابق چیف منسٹر اور قائد اپوزیشن سدارامیا نے میڈیا نمائندوں سے کہا کہ میرے خیال میں یہ دھاوے عوام کی توجہ ہٹانے کے لئے کئے گئے کیونکہ اے سی بی‘ چیف منسٹر کے کنٹرول میں ہے۔

 اے سی بی اور انفورسمنٹ ڈائرکٹوریٹ کے درمیان کوئی کنکشن نہیں ہے۔ اسی دوران بنگلورو کے بمبو بازار میں ضمیر احمد خان کے بنگلہ کے قریب کانگریس ورکرس کی بڑی تعداد نے اے سی بی دھاوؤں کے خلاف احتجاج  بھی کیا ہے۔

ایک نظر اس پر بھی

بنگلور: بی جے پی کو کانگریس کا جواب؛ یوم آزادی کے موقع پر کانگریس کی طرف سے قومی پرچم، کیپ اور ٹی شرٹ بالکل مفت دینے کا اعلان

حکمراں بی جے پی کو کرارا جواب دیتے ہوئے آج  کرناٹک کانگریس کی طرف سے اعلان کیا گیا ہے کہ   یوم آزادی کی 75 ویں سالگرہ کے موقع پر 15 اگست کو  بنگلور کے سنگولی رائینا سرکل سے بسونگڈی  تک فریڈم مارچ نکالا جائے گا اور  اس مارچ میں شرکت کے لئے نام درج کروانے والوں کو  قومی پرچم، ایک ...

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...

سیلاب متاثرین کے معاوضہ کیلئے 300 کروڑ روپئے جاری: آر اشوک

ریاست میں بی جے پی کی سوپر سرکار ہے، کانگریس پارٹی کی طرف سے لگایاجارہاالزام ”سیلاب متاثرین کیلئے معاوضہ فراہم کرنے ریاستی حکومت کے پاس رقم نہیں ہے“بالکل جھوٹا اور بے بنیادہے،سیلاب متاثرین کیلئے مرحلہ وار معاوضہ دئے جانے کا انتظام کیاجارہاہے۔یہ بات ریاستی وزیر برائے ...