بھٹکل: سرکاری کالج جالی کے بجائے وینکٹاپور میں تعمیر کرنے کا مطالبہ۔ اے بی وی پی نے دیا اے سی کومیمورنڈم

Source: S.O. News Service | Published on 8th August 2020, 11:25 AM | ساحلی خبریں |

بھٹکل،8؍اگست (ایس او نیوز) دو چار دن قبل بھٹکل کے جالی پنچایت حدود میں واقع تالگیرے میں ایم ایل اے سنیل نائک کے ہاتھوں بھٹکل سرکاری فرسٹ گریڈ کالج کی تعمیر کے لئے سنگ بنیاد رکھا گیا تھا۔لیکن بی جے پی سے وابستہ اکھل بھارتیہ ودیارتھی پریشد نے اس پر اعتراض کیا ہے اور جالی تالگیرے کے بجائے وینکٹاپور کے علاقے میں کالج تعمیر کرنے کا مطالبہ کرتے ہوئے اسسٹنٹ کمشنر کو میمورنڈم دیا ہے۔

خیال رہے کہ بھٹکل میں تاحال رنگین کٹے کے پاس ایک کرایے کی عمارت میں کالج کی سرگرمیاں انجام دی جارہی ہیں۔ کالج کی اپنی عمارت تعمیرکرنے کا منصوبہ ایک لمبے عرصے سے التوا ء میں پڑا ہوا تھا۔ پچھلے دنوں ایم ایل اے سنیل نائک نے اس منصوبے کو عملی جامہ پہنانے کے لئے عمار ت کا سنگ بنیاد رکھ دیا۔ لیکن طلبہ تنظیم کی جانب سے قلب شہر سے چار پانچ کلو میٹر دوری پر کالج تعمیر کرنے کی سخت مخالفت کی جارہی ہے۔

اعتراض کرنے والے طلبہ کاکہنا ہے کہ تعمیر کے لئے جو جگہ منتخب کی گئی ہے وہ شہر سے دور اور غیر آباد علاقہ ہے۔یہاں جانے آنے کے لئے پبلک ٹرانسپورٹ یا دوسری گاڑیوں کا مناسب انتظام نہیں ہے۔اس علاقے سے پیدل گزرنا طالبات کے لئے خطرات کا باعث ہے۔یہ ایک حساس علاقہ اور طلبہ کے لئے غیر محفوظ راستوں سے گزرنا پڑتاہے۔اور یہ انتہائی تشویش کی بات ہے۔اس کے علاوہ بھٹکل کے مضافات اور آس پاس کے علاقوں سے بہت زیادہ سرکاری بسوں اور پرائیویٹ گاڑیوں سے یہاں تعلیم حاصل کرنے کے لئے آتے ہیں اس لئے شہر کے بس اسٹانڈاور پرائیویٹ گاڑیوں کے اسٹانڈ سے اتنی دور کالج تعمیر کرنا طلبہ کے لئے بڑی مصیبت کاسبب بن جائے گا۔ 

 میمورنڈم میں وینکٹاپور کے علاقے میں ایک مقام کی نشاندہی کرتے ہوئے اے بی وی پی کی طرف سے مطالبہ کیاگیا ہے کہ وہ جگہ طلبہ کے لئے سہولت او ر حفاظت کے اعتبار سے انتہائی مناسب ہے اس لئے کالج مجوزہ کالج کی تعمیر اسی علاقے میں ہی کی جائے۔

چونکہ میمورنڈم وصول کرنے کے لئے اسسٹنٹ کمشنر اپنے دفتر میں موجود نہیں تھے اس لئے طلبہ کے نمائندوں نے سررشتہ دار ایل کے بھٹ کو اپنا میمورنڈم سونپا۔ اس موقع پر اے بی وی پی کے دیواکر نائک، گجانن نائک،سچن نائک، نتین نائک،چیتن نائک، دیپک نائک، دھرم راج نائک، شیکھر نائک وغیرہ موجود تھے۔

ایک نظر اس پر بھی

بھٹکل ’گونڈا قبیلے ‘ کی ذات سرٹفکیٹ جاری کرنے پر تنازعہ۔ اسسٹنٹ کمشنرکے دفتر میں میٹنگ

بھٹکل تعلقہ میں بسنے والے ’گونڈا قبیلے ‘ سے متعلقہ افراد کو ’درج فہرست قبیلہ‘ کی سرٹفکیٹ جاری کرنے میں رکاوٹ  اور  ’گرام وکلیگا‘ طبقے سے تعلق رکھنے والے افرادغیر  مجاز طریقے سے اس قسم کے سرٹفکیٹ حاصل کرنے کا تنازعہ حل کرنے کے لئے اسسٹنٹ کمشنر کے دفتر میں ایک میٹنگ منعقد کی ...

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔

ساحلی کرناٹکا سمیت 10اضلاع میں جاری ہوا ’ایلو الرٹ‘۔محکمہ موسمیات نے کی بھاری برسات کی پیشین  گوئی

محکمہ موسمیات نے ساحلی کرناٹکا  اور شمالی کرناٹکا کے اندرونی علاقوں میں سنیچر اور اتوار کو بادلوں کی گرج اور بجلیوں  کی کڑک کے ساتھ بھاری برسات ہونے کی پیشین گوئی کی ہے۔ اور شمالی کینرا ،جنوبی کینرا اور اڈپی  کے علاوہ یادگیر، وجیاپورا، رائچور، گدگ، کلبرگی، دھارواڑ تمام دس ...

ہوناور میں شراوتی کونسل کے سکریٹری کے نئے ریڈی میڈ شوروم فیشن پیلیس کا خوبصورت افتتاح

نارتھ کینرا مسلم یونائیٹیڈ فورم کے ہوناور سکریٹری،  گیرسوپا سے ہوناور تک جملہ مسلم جماعتوں پر مشتمل  شراوتی کونسل کے سکریٹری اور  اتحاد کمیٹیسڑلگی  کے صدر سمیت سرگرم سماجی کارکن   جناب مظفر یوسف  کے نئے ریڈی میڈ شوروم فیشن پیلیس کا   ہوناور  مستی کٹے، بازار روڈ  پر ...