تریونت پورم میں اے بی وی پی اور بی جے پی کارکنان کا مظاہرہ، پولیس سے جھڑپ
نئی دہلی، 15 جولائی(ایس او نیوز/آئی این ایس انڈیا) کیرالہ کے تریوننت پورم میں بھارتیہ جنتا یوا مورچہ (بی جے وائی ا یم) اور اکھل بھارتیہ ودیارتھی پریشد (اے بی وی پی) کے کارکنوں نے پیر کو احتجاج کیا۔اس دوران کارکنوں اور پولیس کی جھڑپ ہو گئی۔پولیس نے کارکنوں پر قابو پانے کے لئے پانی کی بوچھار کا استعمال کیا۔بتا دیں کہ بی جے وائی ا یم اور اے بی وی پی کارکنوں نے یونیورسٹی کالج میں ایس ایف آئی کارکن پر حملے کے خلاف احتجاج شروع کیا تھا جس دوران جھڑپ ہو گئی۔اس معاملے میں کیرالہ پولیس نے اتوار کو قتل کی کوشش کے الزام میں ایس ایف آئی کے 8 ارکان کے خلاف لک آؤٹ نوٹس جاری کیا تھا۔کیرل میں بی جے پی اور سی پی ایم میں کانٹے کی ٹکر رہتی ہے۔دونوں پارٹیاں ایک دوسرے پر برابر حملہ بولتی رہی ہیں۔آپ کو بتا دیں کہ کانپور جیل کے اندر 2004 میں مارکسی کمیونسٹ پارٹی (سی پی ایم) کے کارکن کے قتل کے جرم میں راشٹریہ سویم سیوک سنگھ (آر ایس ایس) اور بی جے پی کے نو کارکنوں کو عمر قید کی سزا سنائی گئی تھی۔شاید یہ ملک کی جیل کے اندر پہلا سیاسی قتل تھا۔6 اپریل 2004 کو جیل میں قید آر ایس ایس-بی جے پی سے منسلک قیدیوں کے ایک گروپ نے کے پی رویدرن پر لوہے کی چھڑوں سے حملہ کیا گیا تھا۔رویدرن بھی اسی جیل میں بند تھے۔انہیں ہسپتال لے جایا گیا، جہاں انہوں نے دم توڑ دیا تھا۔