ابو ظہبی: لاک ڈاؤن میں مزید سختی، داخلے اور خروج پر لگی پابندی میں توسیع

Source: S.O. News Service | Published on 16th June 2020, 12:48 PM | خلیجی خبریں | ان خبروں کو پڑھنا مت بھولئے |

ابو ظہبی،16؍جون(ایس او نیوز؍ایجنسی) کورونا کے معاملوں میں اضافہ کو دیکھتے ہوئے اور اس کے پھیلاؤ کو روکنے کے لئے متحدہ عرب امارات نے ابوظہبی میں داخلے اور وہاں سے خروج پر عاید پابندی میں مزید ایک ہفتے کے لئے توسیع کردی ہے۔ اس پابندی کا اطلاق منگل 16 جون یعنی آج سے ہوگا۔

متحدہ عرب امارات کی سرکاری خبررساں ایجنسی وام نے اطلاع دی ہے کہ ’’ابو ظہبی کی ہنگامی اور کرائسس کمیٹی برائے کووِڈ-19 وَبا نے پیر کو ابو ظہبی پولیس اور محکمہ صحت کے ساتھ رابطے کے بعد امارات اور اس میں شامل علاقے العین اور الظفرہ میں لوگوں کے داخلے اور وہاں سے خروج پر عاید پابندی میں مزید ایک ہفتے کی توسیع کا فیصلہ کیا ہے۔‘‘

متحدہ عرب امارات کی دارالحکومت ابوظہبی میں 2 جون کو کرونا وائرس کو پھیلنے سے روکنے کے لیے شہریوں اور مکینوں کی نقل وحرکت پر پابندی عاید کی گئی تھی اور اب اس میں دوسری مرتبہ توسیع کی گئی ہے۔

اس حکم کے تحت یو اے ای میں شامل دوسری امارتوں کے مکین اور شہری ابوظبی، العین اور الظفرہ میں داخل نہیں ہوسکتے اور ابوظہبی کے شہری اور مکین دوسری چھے امارتوں میں نہیں جاسکتے۔

دریں اثناء امارات ائیرلائن کا ایک مسافر طیارہ پیر کو دبئی سے بحرین کے بین الاقوامی ہوائی اڈے پر پہنچ گیا ہے۔ اس طرح دبئی اور بحرین کے درمیان پروازیں باضابطہ طور پر بحال ہوگئی ہیں۔

ایک نظر اس پر بھی

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...

دو ریاستی حل میں امارات اور بحرین کا بڑا کردار ہو گا : جیرڈ کشنر کی العربیہ سے بات چیت

امریکی صدر کے مشیر جیرڈ کشنر کا کہنا ہے کہ دو ریاستی حل کو یقینی بنانے کے سلسلے میں امارات اور بحرین کا اہم کردار ہو گا۔ انہوں نے مزید کہا کہ فلسطینی معیشت کو بہتر بنانے کے لیے ایک اقتصادی منصوبہ موجود ہے۔

کیرالہ سونا اسمگلنگ کیس:کیاوزیر کے ٹی جلیل کی شکل میں بھٹکل سے تارجوڑنے کی ہورہی ہے کوشش؟

شمالی کینرا کے ایک کنڑا اخبار نےآج اپنی لیڈ اسٹوری میں کیرالہ کے سونا اسمگلنگ کیس  میں وہاں کی ایل ڈی ایف حکومت کے وزیر برائے اعلیٰ تعلیم کے ٹی جلیل کو اہم ملزم بتاتے ہوئے اس معاملے کے تار بھٹکل سے جوڑ نے کی کوشش  کی ہے۔ 

دہلی فساد معاملہ:دہلی پولیس اسمبلی کمیٹی کو ایف آئی آر دینے کو تیار نہیں

دہلی کے شمال مشرقی علاقہ میں سال کے شروع میں ہونے والے فرقہ وارانہ فسادات میں متاثرین کو حکومت کی جانب سے معاوضہ ملنے کے سلسلہ میں آج دہلی اسمبلی کی اقلیتی فلاحی کمیٹی کی ایک بار پھر میٹنگ منعقد کی گئی۔

بجلی کا تار چھونے سے ہلاک ہونے والی بچی کے والدین کودیا گیا 3لاکھ روپے معاوضہ

گزشتہ سال باغ میں لگائے گئے بجلی کا تار چھونے سے ہلا ک ہونے والی 6سالہ بچی خوشی نائک کے والدین کوحکومت کی جانب سے 3 لاکھ روپے معاوضہ ادا کیا گیا ہے۔بھٹکل رکن اسمبلی سنیل نائک نے لڑکی کے گھر پہنچ کرمعاوضے کی رقم بینک میں جمع کیے جانے پر ملنے والا تصدیق نامہ اس کے والدین کو سونپا۔