یکم اپریل سےنو لاکھ سےزیادہ گاڑیاں ہوجائیں گی کباڑ
نئی دہلی، یکم فروری (ایس او نیوز؍ایجنسی) روڈ ٹرانسپورٹ اور ہائی ویز کے مرکزی وزیر نتن گڈکری نے پیر کو کہا کہ 15 سال سے زیادہ پرانی نو لاکھ سرکاری گاڑیوں کے یکم اپریل کے بعد سڑک پر چلنے پر پابندی عائد کر دی جائے گی۔
ان کی جگہ نئی گاڑیاں لگائی جائیں گی۔ یہ گاڑیاں مرکزی اور ریاستی حکومتوں، ٹرانسپورٹ کارپوریشنز اور پبلک سیکٹر انٹرپرائزز کے ذریعے لگائی گئی ہیں۔ صنعتی ادارے فکی کے زیر اہتمام ایک تقریب سے خطاب کرتے ہوئے، گڈکری نے کہا کہ حکومت ایتھنول، میتھانول، بائیو سی این جی، بائیو ایل این جی اور الیکٹرک گاڑیوں کے استعمال کو آسان بنانے کے لیے کئی اقدامات کر رہی ہے۔
اب ہم نے 15 سال سے زیادہ پرانی نو لاکھ سے زیادہ گاڑیوں کو ختم کرنے کی منظوری دی ہے۔ اس کے ساتھ ہی آلودگی پھیلانے والی بسوں اور کاروں کے روڈ آپریشن پر پابندی لگاتے ہوئے ان کی جگہ نئی گاڑیاں چلانے کی تجویز کو منظوری دی گئی ہے۔ انہوں نے کہا کہ اس سے فضائی آلودگی میں کافی حد تک کمی آئے گی۔ روڈ ٹرانسپورٹ اور ہائی ویز کی وزارت نے حال ہی میں اس سلسلے میں ایک نوٹیفکیشن جاری کیا تھا۔