بیلگام ، 24؍ مئی (ایس او نیوز) بیلگام کے معروف صحافی اور مصنف صمد خانہ پوری ( 75سالہ ) 22؍ مئی بروز ہفتہ 8:30 بجے صبح انتقال کر گئے ۔ وہ گذشتہ 12۔10 دن کے سے وینو گرام اسپتال بیلگام میں شریک تھے۔ ان کی طبیعت نا ساز تھی۔  ڈاکٹر یاسین راہی کے مطابق ان کی نماز جنازہ 12:30 بجے ادا کی گئی اور تدفین عمل میں آئی۔ پسماند گان میں اہلیہ ، ایک لڑکا اور دو لڑکیاں شامل ہیں ۔

جلیل سوداگر نے بتایا کہ صمد خانہ پوری باشیبان ہائی اسکول بیلگام کے ہیڈ ماسٹر کے عہدہ سے ریٹائرڈ ہوئے تھے۔ عرصہ قبل شاعری سے شعفٰ فرماتے تھے لیکن وہ بیلگام کے مؤرخ کی حیثیت سے تب مشہور ہوئے جب انہوں نے کتاب ’’بیلگام ۔ تاریخ کے آئینے میں ’’تصنیف فرمائی ۔ جس کے دو ایڈیشن شائع ہوچکے ہیں۔ اور اس کتاب کا ہندی میں بھی ترجمہ ہوا ہے۔ انہوں نے مراٹھی ناول کا ترجمہ ’’کشمیری قیامت ‘‘ کے نام سے اردو میں کیا تھا۔ ڈاکٹر راہی کے بموجب صمد خانہ پوری نے بچوں کے لئے عرصہ قبل نظمیں لکھی تھیں۔ ان نظموں کے کتابچے شائع ہوچکے ہیں۔ اس کے علاوہ کم و بیش 15 سال سے ع صمد خانہ پوری راشٹریہ سہارا بنگلورو کے نمائندے برائے بیلگام تھے۔

پروفیسر م پ راہی صد ادارہ اداب اسلامی ہند کرناٹک کے مطابق مرحوم خانہ پوری ادارہ ادب اسلامی ہند کرناٹک کے معتمد رہ چکے تھے۔ فی الحال ریاستی شاخ کی مجلس عاملہ کے رکن تھے۔ انہوں نے دعائے  مغفرت کی ہے اور کہا ہے کہ اللہ تعالیٰ ع صمد خانہ پوری کی مغفرت فرمائے اور ان کی ادبی صحافتی ، تاریخی اور تحریکی خدمات کو قبول فرمائے۔ آمین۔