عبدالسلام دامدا ابو بھٹکل کمیونٹی جدہ کے نئے چیف منتخب؛ حبیب اللہ محتشم کا پھر ایک بار جنرل سکریٹری کے عہدہ پر انتخاب

Source: S.O. News Service | By I.G. Bhatkali | Published on 26th October 2019, 1:34 PM | ساحلی خبریں | خلیجی خبریں | ان خبروں کو پڑھنا مت بھولئے |

جدہ 26/اکتوبر (ایس او نیوز/ارشد ائیکری)   سماجی کارکن  جناب عبدالسلام دامدا ابو بھٹکل کمیونٹی جدہ کے نئے صدر منتخب ہوئے ہیں جبکہ  حبیب اللہ محتشم  کا پھر ایک بار جنرل سکریٹری کے عہدہ  پر انتخاب عمل میں آیا ہے۔ عہدیداران کا انتخاب  کل جمعہ کو  ا ليكشن كمشنر جناب عبد المعز جوكاكو صاحب کے  مكان پر اور  جناب فضل الرحمن منیری کی صدارت میں  عمل میں آیا۔

جلسہ کا آغاز  نوید حسن ائیکری کی تلاوت قران پاک کے ساتھ  ہوا جس کے بعد عہدیداران کا انتخاب کیا گیا۔  تمام عہدوں کا انتخاب  بالاتفاق رائے سے  کیا گیا ۔ 

جس طرح  صدر کے عہدہ پر   عبدالسلام دامدا ابو کا انتخاب عمل میں آیا ، اُسی طرح  نائب صدر کے عہدہ پر شریف اکرمی، جنرل سکریٹری کے عہدہ پر حبیب اللہ محتشم، سکریٹری کے عہدہ پر   نوید حسن ائیکری، محاسب  کے عہدہ پر  عدنان زاہد رکن الدین اور سکریٹری فائنانس کے عہدہ پر عُبیداللہ عسکری کا انتخاب عمل میں آیا ہے۔

جناب عبدالسلام دامدا ابو  نے ابتدا میں دبئی میں اپنا کاروبار شروع کیا تھا ۔ 16 سالوں  تک دبئی میں رہنے کے دوران  وہ گلف کی سب سے بڑی اور مضبوط سمجھی جانے والی بھٹکل مسلم جماعت دبئی کے جنرل سکریٹری  کے عہدہ پر منتخب ہوئے تھے، دبئی میں اپنی  بہترین خدمات کی چھاپ چھوڑنے کے بعد انہوں نے اپنا کاروبار  سن  2011 میں جدہ  میں  منتقل کیا۔سن 2014 میں وہ جدہ جماعت کی انتظامیہ میں شامل ہوئے۔ یہاں وہ دو میعادوں تک سیف اسکیم کے ڈائرکٹر رہے  جس کے دوران جماعت کو  دو لاکھ پینتیس ہزار ریال کی خطیر رقم کا  منافع حاصل ہوا، جسے  اسکیم میں حصہ لینے والے جماعت کے ممبران میں تقسیم کیا گیا۔  جناب عبدالسلام دامدا ابو  ساحل آن لائن کے سرگرم ڈائرکٹروں میں سے ہیں،  جنکا  ہمیشہ سے  ساحل آن لائن کو تعاون رہا ہے۔  ساحل آن لائن کو ابتدائی  مراحل  میں بھی مضبوطی کے ساتھ کھڑا کرنے  میں ان کا  اہم رول رہا ہے 

اس سے قبل  مورخہ 17/اکتوبر کو 25 رُکنی اراکین انتظامیہ کے لئے انتخابات عمل میں آئے تھے اور جماعت کے دستور کے مطابق انتخابات سے قبل تین اراکین کا انتخاب کیا گیا تھا جس میں  سبکدوش شد ہ انتظامیہ  میں سے اُس وقت کے صدر جناب یاسین عسکری، جنرل سکریٹری جناب حبیب اللہ محتشم اور بطور الیکشن کمشنر جناب عبدالمعز جوکاکو صاحب کا انتخاب ہوا تھا۔ 18 اراکین کا انتخاب الیکشن کے ذریعے ہونا تھا جس کے لئے 24 نام پیش ہوئے تھے، مگر اس میں سے 6 ؍ اراکین نے اپنا نام واپس لیا جس کی وجہ سے ووٹنگ کے بغیر ہی انتخابی کاروائی بحسن و خوبی انجام پائی تھی۔   نئی انتظامیہ میں  اس بار چھ اراکین پہلی مرتبہ منتخب ہوئے ہیں۔
 

 

ایک نظر اس پر بھی

ساحلی علاقے میں کاروباری سرگرمیوں کا اہم مرکزبننے جارہا ہےانکولہ شہری ہوائی اڈہ، بندرگاہ اور انڈسٹریل ایسٹیٹ کے تعمیری کام سے بدل رہا ہے نقشہ

آج کل  شمالی کینرا کے شہر انکولہ میں بڑے اہم سرکاری منصوبہ جات پر کام شروع ہورہا ہے جس کی وجہ سے ایسا لگتا ہے کہ  مستقبل قریب میں یہاں کا نقشہ ہی بدل جائے گا اور پورے ساحلی علاقے انکولہ شہر کاروباری سرگرمیوں کا اہم مرکز بن جائے گا اور پورے ملک کی توجہ اپنی طرف کھینچ لے گا،جس سے ...

بھٹکل میں اے سی کے ذریعے دکانوں کو بند کرنے کا معاملہ؛ مرچنٹ اسوسی ایشن کی درخواست پر کاغذات دُرست کرانے تین ہفتوں کی ملی مہلت

بھٹکل اسسٹنٹ کمشنر مسٹر بھرت نے  آج بھٹکل مرچنٹ اسوسی ایشن کی درخواست پر بھٹکل کے دکانداروں کو تین ہفتوں  کی مہلت دی ہے کہ وہ اس مدت میں  اپنے کاروبار کا لائسنس بنائے یا جن کے پاس لائسنس ہے وہ اپنا لائسنس رینیو کرائے۔ اگر دی گئی مہلت میں دکاندار اپنے کاغذات  کو تیار نہیں ...

منگلورو میں سڑک کی تعمیر نو کے وقت دریافت ہواایک صدی پرانا تاریخی کنواں !

منگلورو سمارٹ سٹی پروجیکٹ کے تحت ہمپن کٹّا کے علاقے میں سڑک کی تعمیر نو کے لئے کھدائی  کے دوران ایک صدی پرانا تاریخی کنواں  دریافت ہو اہے۔  اور تعجب کی بات ہے کہ ابھی بھی اس کنویں کا پانی بہت ہی صاف و شفاف ہے اور کنواں اچھی حالت میں موجود ہے۔

بھٹکل لائن اسپورٹس ہال میں میونسپل حکام کی عوام کے ساتھ میٹنگ؛ مچھروں کی بھرمار پر قابو پانے سمیت کئی ایک مسائل پر ہوا غورو خوض

بھٹکل فاروقی اسٹریٹ پر واقع لائن اسپورٹس ہال میں منعقدہ میونسپالٹی حکام کی عوام کےساتھ ہوئی میٹنگ میں  علاقہ میں مچھروں کی بھرمار پر سخت تشویش کا اظہار کرتے ہوئے  مچھر مار دوائیوں کے چھڑکاو پر زور دیا گیا، اسی طرح ڈرینیج سسٹم کی درستگی سمیت دیگر کئی اہم مسائل پر بھی  غوروخوض ...

ایران پر اسلحہ کے حصول پرعاید پابندیاں برقرار رکھنے کی جدوجہد جاری رکھیں گے: پومپیو

امریکی وزیر خارجہ مائیک پومپیو نے اپنے برطانوی ہم منصب ڈومینک راب کے ساتھ مشترکہ پریس کانفرنس میں کہا ہے کہ واشنگٹن ایران پر عائد اسلحہ کے پابندی کو برقرار رکھنے کے لیے اپنی کوششیں جاری رکھے گا۔ ...

کینسر کے شکار سعودی استاد کی بسترعلالت سے طلبا کی تدریس

سعودی عرب میں اپنے طلبا کو زیور علم سے آراستہ کرنے کے جذبے سے سرشار کینسر کا شکار ایک استاد کا سبق آموز اور قابل تقلید واقعہ سامنے آیا ہے جو چار ماہ سے خود اسپتال میں بستر علالت پر ہونے کے باوجود اپنی تکلیف کو بھلا کر بچوں کی تدریس کے فرائض انجام دے رہا ہے۔ ...

دو ریاستی حل میں امارات اور بحرین کا بڑا کردار ہو گا : جیرڈ کشنر کی العربیہ سے بات چیت

امریکی صدر کے مشیر جیرڈ کشنر کا کہنا ہے کہ دو ریاستی حل کو یقینی بنانے کے سلسلے میں امارات اور بحرین کا اہم کردار ہو گا۔ انہوں نے مزید کہا کہ فلسطینی معیشت کو بہتر بنانے کے لیے ایک اقتصادی منصوبہ موجود ہے۔

کے جی ہلی، ڈی جے ہلی تشدد کی جانچ سابق میئر سمپت راج کو سی سی بی کا سمن جاری

بنگلورو کے کے جی ہلی اور ڈی جے ہلی میں پیش آنے والے پرتشدد واقعات کی جانچ کے سلسلہ میں سنٹرل کرائم برانچ نے شہر کے سابق میئر اور دیورجیون ہلی کے سابق کارپوریٹر سمپت راج کو پوچھ گچھ کے لئے حاضر ہونے کے لئے سمن جاری کیا

منشیات معاملہ پر پولیس حکومت کا کھلونا بن چکی ہے: سدارامیا

سابق وزیر اعلیٰ اور ریاستی اسمبلی کے اپوزیشن لیڈرسدارامیا نے کہا ہے کہ منشیات کیس کی جانچ کے معاملے میں بنگلورو پولیس ریاستی حکومت کے ہاتھ کھلونا بن چکی ہے اور اس کیس میں اہم ملزمین کو نظر انداز کر کے اسے دبانے کی کوشش کی جا رہی ہے۔