گدگ ضلع کے نرگند میں مسلم نوجوان کا قتل فوری کارروائی کرنے عبدالعظیم کامطالبہ
بنگلورو، 20؍ جنوری(ایس او نیوز)ریاستی اقلیتی کمیشن کے چیرمین عبدالعظیم نے گدگ ضلع سپرنٹنڈنٹ آف پولیس شیو پرکاش دیورا جو نے مطالبہ کیا ہے کہ نرگند میں مسلم نوجوان کے قتل میں ملوث شرپسندوں کے خلاف کارروائی کی جائے۔ ایک مکتوب روانہ کرتے ہوئے عبدالعظیم نے بتایا کہ گدگ ضلع میں گزشتہ چند دنوں سے فرقہ وارانہ منافرت بڑھانے کی کوشش کی جارہی ہے بالخصوص نوجوانوں کو بھڑکایا جارہا ہے۔ اس لئے ایسے افرادکے خلاف فوری کارروائی کی جائے۔
انہوں نے مطالبہ کیا کہ شر پسندوں کے خلاف بلا لحاظ مذہب سخت قانونی کارروائی کرتے ہوئے اس تعلق سے ایک رپورٹ اقلیتی کمیشن کو بھی روانہ کی جائے اور علاقہ میں دوبارہ بد امنی نہ پھیلے اس کے اقدامات کئے جائیں۔