مودی حکومت بیرون ملک میں اپنی شبیہ چمکانے کے لئے ویکسین ایکسپورٹ کر رہی ہے: عام آدمی پارٹی کا الزام

Source: S.O. News Service | Published on 8th April 2021, 1:26 PM | ملکی خبریں |

نئی دہلی، 8؍اپریل (ایس او نیوز؍ایجنسی) مودی حکومت کی جانب سے بیرون ملک میں شبیہ چمکانے کے لئے ویکسین کی برآمدات کے خلاف بی جے پی کے صدر دفتر میں عام آدمی پارٹی نے احتجاج کیا۔ احتجاج میں عام آدمی پارٹی کے سیکڑوں کارکنوں نے حصہ لیا اور مودی حکومت کے خلاف نعرے لگائے۔ اس دوران پولیس نے اے پی کارکنوں کو بی جے پی ہیڈ کوارٹر کے باہر روکا۔

اے اے پی کے ترجمان سوربھ بھردواج نے کہا کہ یہ ویکسین ہمارے ملک کے سائنسدانوں نے تیار کی ہے اور اس کا ملک میں 130 کروڑ افراد کا پہلا حق ہے۔ کورونا کی وجہ سے کام دھندے بند ہیں اور لوگ بیماری سے مر رہے ہیں، اس کے باوجود مودی سرکار سب کو ویکسین دینے کے بجائے لوٹ مار کے لئے دوسرے ممالک کو برآمد کر رہی ہے۔ ہمارا مطالبہ ہے کہ اس ویکسین کو مفت کیا جائے اور سب کو مہیا کی جائے، تاکہ لوگ کورونا سے بچ سکیں اور ملکی معیشت کو بہتر بنایا جا سکے۔

عام آدمی پارٹی نے مودی حکومت کے بیرون ملک کورونا ویکسین برآمد کرنے کے خلاف بھارتیہ جنتا پارٹی کے صدر دفتر پر احتجاج کیا۔ عام آدمی پارٹی کے کارکنوں کی ایک بڑی تعداد آج صبح پارٹی ہیڈ کوارٹر میں جمع ہوئی اور عام آدمی پارٹی کے ترجمان اور ایم ایل اے سوربھ بھاردواج کی قیادت میں 12:05 بجے بی جے پی ہیڈکوارٹر کے لئے کوچ کیا۔ دہلی پولیس پہلے ہی چوکس تھی اور عام آدمی پارٹی کے احتجاج کے پیش نظر بی جے پی ہیڈ کوارٹر پر بیریکیٹنگ کر دی۔

جب عام آدمی پارٹی کے کارکنوں کی ایک بڑی تعداد بی جے پی ہیڈ کوارٹر کے قریب پہنچی تو پولیس نے انہیں روک لیا۔ اس کے بعد آپ کے کارکن بی جے پی ہیڈکوارٹر کے سامنے سڑک پر بیٹھ گئے اور دیگر ممالک کو کورونا ویکسین برآمد کرنے کے خلاف بی جے پی کے خلاف نعرے بازی کی۔

ایک نظر اس پر بھی

ہانک کانگ نےہندوستان،پاکستان اور فلپائن کی پروازوں پر لگائی دو ہفتوں کی پابندی

کورونا وبا کےپھیلاؤ کےپیش نظر ہانگ کانگ نے فیصلہ کیا ہےکہ وہ اگلےدوہفتوں کےلئےہندوستان، پاکستان اور فلپائن سےآنےوالی پروازوں پر پابندی لگارہا ہے۔ہانگ کانگ نےان تین ممالک سےآنےوالی تمام پرواز یں معطل کر دی ہیں۔ہانک کانگ کےذمہ داران اس کی وجہ کووڈ19 کے ایشیائی ممالک میں ...

مدھیہ پردیش میں کووڈ کا قہر، 30 اپریل تک کورونا کرفیو کا نفاذ

مدھیہ پردیش میں حکومت کی تمام کوششوں کے باوجود کورونا کا قہرجاری ہے۔ ریاست میں کورونا کے ایکٹو مریضوں کی تعداد جہاں اڑسٹھ ہزار کو تجاوز کر گئی ہیں وہیں پچھلے چوبیس گھنٹےمیں ریاست میں کورونا کے بارہ ہزار دو سو اڑتالیس نئے معاملے درج کئے گئے ہیں ۔

کووڈ بحران سے نمٹنےکےلیے سابق وزیراعظم منموہن سنگھ نے وزیراعظم مودی کو دیئے یہ 5اہم مشورے

ہندوستان میں عالمی وبا کورونا وائرس کے مثبت معاملوں کی بڑھتی ہوئی تعداد کے بارے میں ہر حلقے سے تشویش کا اظہار کیاجارہا ہے۔ اسی ضمن میں ملک کے سابق وزیراعظم، کانگریس کے سینئر ترین رہنما اور معروف ماہر معاشیات ڈاکٹر منموہن سنگھ  نے وزیراعظم نریندر مودی کو کووڈ۔19 کے بحران سے ...

بہار میں15 مئی تک اسکول ، کالج اور تمام مذہبی مقامات بند ،رات کا کرفیو نافذ

ہار کے وزیراعلیٰ نتیش کمار نے ریاست میں کورونا کے تیزی سے بڑھ رہے معاملوں پر لاک ڈاﺅن کا اشارہ دیتے ہوئے باہر سے آنے والے لوگوں سے جلد سے جلد لوٹنے کی اپیل کرتے ہوئے آج کہاکہ وبا کی روک تھام کیلئے فی الحال ریاست میں ” رات کا کرفیو“ سرکاری دفاتر میں کام کی مدت کم کرنے ، سبھی ...