بی بی ایم پی اسکول کی جگہ پر غیر قانونی قبضہ کا الزام، بی جے پی رکن اسمبلی کے خلاف عاپ کی لوک آیوکتہ میں شکایت

Source: S.O. News Service | Published on 19th September 2022, 11:16 AM | ریاستی خبریں |

بنگلورو، 19؍ستمبر (ایس او نیوز) عام آدمی پارٹی (عاپ) ریاستی ترجمان کے،متھائی نے لوک آیوکتہ کو شکایت درج کرتے ہوئے الزام لگایا ہے کہ بی جے پی رکن اسمبلی نے اسکول کی جگہ پر غیر قانونی قبضہ کیا ہے۔ متھائی نے شکایت نامہ میں الزام لگایا ہے کہ ہوللکیرے کے بی جے پی رکن اسمبلی ایم چندرپا نے کینگیری کے سر ایم وشویشوریا لے آؤٹ میں بی بی ایم پی کی کنڑا اسکول کے لئے منظور 20 کروڑ مالیت کی سرزمین پر قبضہ کیا ہے۔

انہوں نے بتایا کہ کینگیری سیٹا لائٹ ٹاؤن کے سر ایم وشویشوریا لے آؤٹ سکنڈ بلاک میں بی ڈی اے کی۔25,225اسکوائر فیٹ سائٹ کو 2فروری 2010میں بی بی ایم پی کنڑا اسکول کو فراہم کیا گیا تھا۔ انہو ں نے بتایا کہ اس جگہ پر اسکول تعمیر کرنے کا وعدہ کرکے اس وقت کے وزیر اعلیٰ بی ایس ایڈی یورپا کے تعاون سے اپنے نام پر رجسٹر کروالیا۔

انہو ں نے بتایا کہ اس سائٹ کی موجودہ مارکیٹ قیمت 50کروڑ سے زیادہ ہے لیکن بی ڈی اے نے 2021ء میں صرف 10کروڑ کے لئے چندرپا کو سائٹ فروخت کی جبکہ 5 اپریل 2022ء کو چندرپا نے بی ڈی اے کو ایک کروڑ روپئے ادا کئے ہیں۔ انہو ں نے بتایا کہ چندرپا گزشتہ 11سال سے زمین کا نجی استعمال کررہے ہیں جہاں سیمنٹ اور اینٹ تیار کئے جارہے ہیں۔ عاپ کے رہنما راہل دھرما سینا نے مطالبہ کیا کہ بی جے پی رکن اسمبلی چندپا کی وجہ سے بی ڈی اے اور حکومت کو کروڑوں کا نقصان ہوا ہے،اس لئے لوک آیوکتہ پولیس فوراً چندرپا کو گرفتار کرکے پوچھ تاچھ کرے۔

ایک نظر اس پر بھی

بجٹ 2023: ’کوئی امید نہیں، بجٹ ایک بار پھر ادھورے وعدوں سے بھرا ہوگا‘، سدارمیا کا اظہارِ خیال

یکم فروری کو مرکز کی مودی حکومت رواں مدت کار کا آخری مکمل بجٹ پیش کرنے والی ہے۔ مرکزی وزیر مالیات نرملا سیتارمن کے ذریعہ بجٹ پیش کیے جانے سے قبل بجٹ 2023 کو لے کر کانگریس کے کچھ لیڈران نے اپنے خیالات ظاہر کیے ہیں۔

کرناٹک ہائی کورٹ کی وارننگ، کہا: چیف سکریٹری دو ہفتوں میں لاگو کرائیں حکم

کرناٹک ہائی کورٹ نے منگل کو انتباہ دیا کہ اگر ریاستی حکومت دو ہفتوں کے اندر سبھی گاؤں اور قصبوں میں قبرستان کے لئے زمین فراہم کرانے کے اس کے حکم پر عمل درآمد کرنے میں ناکام رہتی ہے تو وہ چیف سکریٹری کے خلاف توہین عدالت کی کارروائی شروع کرنے پر مجبور ہوجائے گا ۔

منگلورو: محمد فاضل قتل میں ہندوتوا عناصر ملوث ہونے کا دعویٰ - اپوزیشن پارٹیوں نےکیا کیس کی دوبارہ جانچ کامطالبہ 

بی جے پی یووا مورچہ لیڈر پروین نیٹارو قتل کے بدلے میں عناصر کی طرف سے سورتکل میں محمد فاضل کو قتل کرنے کا کھلے عام دعویٰ کرنے والے وی ایچ پی اور بجرنگ دل لیڈر شرن پمپ ویل کے خلاف کانگریس ، جے ڈی ایس اور ایس ڈی پی آئی جیسی اپوزیشن پارٹیوں نے اس قتل کیس کی ازسر نو جانچ کا مطالبہ کیا ...

ٹمکورو میں اشتعال انگیز بیان دینے والے شرن پمپ ویل سمیت دیگر ہندوتوا لیڈروں کے خلاف قانونی کارروائی کا مطالبہ لے کر اے پی سی آر نے ایس پی کو دیا میمورنڈم

حال ہی میں ریاست کرناٹک کے  ٹمکور میں  منعقدہ شوریہ یاترا کے دوران وی ایچ پی لیڈر شرن پمپ ویل نے جو متنازع اور اشتعال انگیز بیان دیا  تھا ، اس پر کٹھن کارروائی کرتے ہوئے اسے گرفتارکرنے کا مطالبہ لے کر  ایسوسی ایشن فار پروٹیکشن آف سوِل رائٹس (اے پی سی آر) کے  ایک وفد نے ٹمکورو ...