نئی دہلی،15/جنوری(ایس او نیوز/ایجنسی) عام آدمی پارٹی نے دہلی اسمبلی انتخابات کے لیے تمام 70 سیٹوں پر اپنے امیدواروں کا اعلان کر دیاہے۔عام آدمی پارٹی کی پولیٹکل افیئرز کمیٹی کے اجلاس میں امیدواروں کے نام طے کیے گئے ہیں۔عام آدمی پارٹی نے 46 موجودہ ممبران اسمبلی کوٹکٹ دیا ہے، جبکہ 15 ارکان اسمبلی کا ٹکٹ کاٹ دیاہے۔
دہلی کے وزیراعلیٰ اروند کیجریوال نئی دہلی سے، جبکہ نائب وزیراعلیٰ منیش سسودیا پٹ پڑ گنج سے الیکشن لڑیں گے۔عام آدمی پارٹی نے اس بار 6 کی جگہ 8 خواتین کو ٹکٹ دیئے ہیں۔ منڈکا سے سکھبیر دلال کا ٹکٹ کاٹ کر دھرم پال کو امیدوار بنایا گیاہے۔دہلی کینٹ سے کمانڈو سریندر کا ٹکٹ کاٹ کر وریندر سنگھ کوٹکٹ دیاگیا۔ دوسری طرف راجندر نگر سے وجیندرکا ٹکٹ کاٹ کر راگھو چڈھا کو امیدوار بنایا گیاہے۔ وہیں، بدرپور سے نارائن دت شرما کا ٹکٹ کاٹ کر رام سنگھ نیتا جی کو ٹکٹ دیاگیاہے۔ ترلوک پوری سے راجو دن ترانہ کا ٹکٹ کاٹ کر روہت کمارکو ٹکٹ دیاگیا۔سیلم پور سے حاجی اشراق کا ٹکٹ کاٹ کر عبدالرحمان کو امیدوار بنایا گیا۔