کاروار:6؍اگست   (ایس اؤ نیوز)اترکنڑا ضلع میں آدھارکارڈ  رجسٹریشن کے لئے عوامی سطح پر ہورہی تکالیف کو دیکھتے ہوئے ضلع انتطامیہ نے مختلف محکمہ جات کے دفاتر میں بھی آدھار رجسٹریشن سنٹر کا قیام عمل میں لایاہے۔نیشنل بینکس، پوسٹ آفس، بی ایس این ایل دفاتر میں بھی  آدھار رجسٹریشن ہوگا۔ جس کی تفصیل کچھ اس طرح ہے۔

بھٹکل پوسٹ آفس، مرڈیشور کی پوسٹ آفس، ایس بی آئی بینک مرڈیشور، پوسٹ آفس ہوناور، پوسٹ آفس منکی، پوسٹ آفس کرکی (ہوناور تعلقہ )، اٹل جی جن سنہی سنٹر ماوین کوروا(ہوناور تعلقہ )، پوسٹ آفس کمٹہ ، اٹل جی جن سنہی سنٹر گوکرن کے علاوہ کاروار، سرسی ، امبیکا نگر، رام نگر، منڈگوڈ، ڈانڈیلی ، بنواسی، یلاپور، سداپور، ہلیال، انکولہ سمیت کئی مقامات کی پوسٹ آفسوں میں آدھار رجسٹریشن کرسکتےہیں۔ اس کے ساتھ ساتھ ایکسس بینک گرین اسٹریٹ کاروار، سنڈیکیٹ بینک کاروار، آئی سی آئی سی آئی بینک کاروار، بینک آف بروڈاسرسی، سنڈیکیٹ بینک ،کرناٹکا وکاس گرامین بینک انکولہ، کے وی جی بینک یلاپور سمیت چند مقامات پر پنچایت دفاتر میں بھی آدھار رجسٹریشن کی سہولیات مہیا کی گئی ہے ۔ ضلع انتظامیہ نے ان تمام مراکز سے استفادہ کرنے کی عوام سے اپیل کی ہے۔