بھٹکل:26؍فروری(ایس اؤ نیوز)انجمن نور مونٹیسری کے چھوٹے چھوٹے معصوم بچے اپنے اساتذہ کے ساتھ بھٹکل شہری پولس تھانہ پہنچ کر پولس اور پولس کی خدمات کے متعلق جانکاری حاصل کی۔

پولس افسران اور عملے نے خاص کر خاتون پولس عملے نے بچوں اور اساتذہ کا مسکراتےہوئے استقبال کیا۔ اس موقع پر بچوں کو پولس تھانہ، پولس ڈریس، پولس جیل ، بندوق، پولس سواری وغیرہ کے متعلق جانکاری دی گئی ۔ اس موقع پر ایس آئی کوڈگونٹی نے بچوں کو بتایا کہ پولس کا مطلب ڈر یا خوف نہیں ہے، جو کوئی قانون کی خلاف ورزی کرتا ہے صرف انہی کے خلاف پولس کارروائی کرتی ہے۔ اس کے علاوہ جو کوئی ہیں وہ سب ہمارے دوست ہونے کی بات کہی۔پی ایس آئی  نے جانکاری دی کہ گزشتہ کچھ مہینوں سے ہمارے یہاں بھی شراوتی نامی دستہ کام کررہاہے، جنسی ظلم و ہراسانی اور دیگر تکالیف کے متعلق ہمیں جانکاری دے سکتےہیں۔اس موقع پر سی پی آئی پرکاش ایم ایس ، صدرمدرسہ رجمی کوبٹےوغیرہ موجود تھے۔