پاکستانی شہری ہونے اور جھوٹے ہندوستانی دستاویزات تیار کرنے کے الزام میں بھٹکل میں ایک خاتون گرفتار

Source: S.O. News Service | By I.G. Bhatkali | Published on 10th June 2021, 8:46 PM | ساحلی خبریں |

بھٹکل 10 جون (ایس او نیوز) خفیہ ایجنسی کی طرف سے دی گئی اطلاع پر کارروائی کرتے ہوئے بھٹکل پولیس نے نوائط کالونی میں واقع ایک مکان سے خدیجہ مہرین نامی ایک خاتون کو گرفتار کر لیا ہے جس  پر الزام ہے کہ وہ ایک پاکستانی شہری ہے اور  اس نے جاوید رکن الدین نامی شخص سے 2014 میں دبئی  میں شادی کی تھی. پھر وہ وزٹ ویزا پر تین مہینے کے لیے بھٹکل آئی اور مدت ختم ہونے پر واپس لوٹ گئی. مگر 2015 میں وہ نیپال کے راستے چوری چھپے ہندوستان میں داخل ہوئی اور گزشتہ چھ سالوں  سے وہ بھٹکل میں اپنے تین بچوں کے ساتھ غیر قانونی طور پر مقیم  ہیں۔

پتہ چلا ہے کہ خاتون کے پاس   بھٹکل کا پیدائشی سرٹی فیکٹ، راشن کارڈ، ووٹر آئی  ڈی کارڈ اور پین کارڈ بھی ہے، مگر اُترکنڑا ایس پی شیوپرکاش دیوراج نے  کاروار میں منعقدہ پریس کانفرنس میں  بتایا ہے کہ  انہوں نے  جھوٹے کاغذات کی بنیاد پر  جعلی دستاویزات بنائے ہیں۔ ایس پی کے مطابق خاتون  کو  غیرملکی شہریوں سے متعلق قانون اور آئی پی سی کی مختلف دفعات کے تحت گرفتار  کیا گیا ہے اور بھٹکل  عدالت میں پیش  کرنے کے بعد  عدالتی حراست میں بھیج دیا  گیاہے۔

ایک نظر اس پر بھی

بھٹکل جالی میں انڈر گراونڈ ڈرینیج کا مسئلہ؛ ممکنہ کنووں کو خراب کرنے والے چمبرس کی درستگی کے بعد ہی کام کو بڑھایا جائے گا آگے؛ ایک ہفتہ کے اندر سڑکوں کی مرمت کی یقین دھانی

بھٹکل کے جالی پٹن پنچایت حدود میں  تعمیر کئے جارہے  انڈر گراونڈ ڈرینیج (یو جی  ڈی)  کا مسئلہ بارش کے بعد مزید پیچیدہ ہونے کے بعد  گذشتہ روز  جالی پنچایت آفس میں  واٹر بورڈ انجینر سمیت  بھٹکل انڈر گراونڈ ڈرینیج کے کام کرنے والے کنٹریکٹر کے  ساتھ میٹنگ کا انعقاد کیا گیا تھا جس ...

کورونا کی تیسری لہر کو لے کر ریاستی ماہرین کمیٹی نے ریاستی حکومت کو سونپی سفارشی رپورٹ : وائرس شدت اختیار کرنےپر 3لاکھ بچے متاثر ہونے کا خدشہ

اگلے 6سے 8ہفتوں میں ملک میں کورونا کی تیسری لہر شروع ہونےکے متعلق ماہرین نےمتنبہ کیا تو ریاستی  حکومت نے ڈاکٹر دیوی شٹی کی قیادت میں کمیٹی تشکیل دیتے ہوئے کہا تھا کہ وہ بتائیں کہ  تیسری لہر کو روکنے کے لئے کیا کیا اقدامات کریں۔ ڈاکٹر دیوی شٹی کی قیادت والی ماہرین کی کمیٹی نے ...

منگلورو : کلاک ٹاور کے پاس پولیس کی اچانک چیکنگ ۔ غیر ضروری طور پر سڑکوں پر گاڑیاں دوڑانے والوں کے خلاف کی گئی کارروائی

دو دن پہلے شہر میں لاک ڈاون کے اوقات میں کمی کرنے کے بعد سڑکوں پر موٹر گاڑیوں کا ہجوم لگ گیا تھا۔ اس پر قابو پانے کے لئے پولیس کے افسران نے کلاک ٹاور کے پاس اچانک چیکنگ شروع کردی اور غیر ضروری طور پر سڑکوں پر گاڑیاں دوڑانے والوں کے خلاف معاملات درج کرلیے۔

اترکنڑا میں 77373افراد کو کووڈکا دوسرا ٹیکہ دیا جاچکا ہے: صحت عامہ کی رپورٹ

اترکنڑا میں ابھی تک 77173لوگوں کو کووڈکا ٹیکہ لگایاجاچکاہے۔ منگل کی شام 7بجے تک ملی رپورٹ کے مطابق 1590ڈوز باقی ہیں۔ جس میں کووی شیلڈ 740اورکو ویکسن 850ڈوز ٹیکوں کا ذخیرہ موجود ہے۔ اس بات جانکاری  ڈسٹرکٹ  آر سی ایچ افسر ڈاکٹر رمیش راؤ نے دی۔

جناب ایس ایم سید محی الدین مارکیٹ صاحب مرکزی خلیفہ جماعت المسلمین بھٹکل کے نئے صدر منتخب

مرکزی خلیفہ جماعت المسلمین بھٹکل  کے نائب صدرجناب ایس ایم سید محی الدین مارکیٹ صاحب اب مرکزی خلیفہ جماعت المسلمین بھٹکل کے  صدر منتخب ہوئے ہیں۔ پیر کو جماعت کے دفتر میں منعقدہ انتظامیہ میٹنگ میں  انہیں اس عہدہ کےلئے بالاتفاق رائے منتخب کیا گیا۔ یاد رہے کہ خلیفہ جماعت ...

کاروار میں کووڈ ٹیکہ مہم کا افتتاحی پروگرام : ہر ایک ٹیکہ لگوائیں اور اپنی جان کی حفاظت کریں : روپالی نائک

کورونا پر قابو پانے کے لئے حکومتیں کام کررہی ہیں، ملک بھر میں 21جون سے شروع ہوئے مفت کووڈ ٹیکہ مہم میں ہرایک ٹیکہ لگاتے ہوئے اپنی جان کی حفاظت کا سامان کرنے کی رکن اسمبلی روپالی نائک نے عوام سے اپیل کی۔