بھٹکل : کار کی ٹکر سے سائیکل سوار ہلاک
بھٹکل، 24 ؍ جنوری (ایس او نیوز) بھٹکل تعلقہ میں نیشنل ہائی وے کے ہیراڈی کراس پر رات کے وقت تیز رفتار کار کی ٹکر کی وجہ سے سائیکل سوار ہلاک ہوگیا ۔
معلوم ہوا ہے کہ بستی کائکینی میں جوس کی دکان چلانے والا سبرایا نائک (67 سال) نامی شخص جب رات کے وقت اپنی دکان بند کرکے حسب معمول اپنی سائکل پر گھر کی طرف جا رہا تھا اور جب وہ سائیکل سے اتر کر روڈ کراس کر رہا تھا تو تیز رفتار نینو کار نے اسے ٹکر ماری جس کے نتیجہ میں وہ سڑک پر گر پڑا اور اس کے سر میں شدید چوٹ آئی ۔
زخمی سبرایا نائک کو علاج کے منی اسپتال لے جایا گیا مگر وہاں اس کی سنگین حالت دیکھتے ہوئے علاج ممکن نہ ہونے کی بات سامنے آنے پر اسے بھٹکل تعلقہ اسپتال میں واپس لایا گیا جہاں زخموں کی تاب نہ لاتے ہوئے اس نے دم توڑ دیا ۔
مہلوک کے بیٹے راگھویندرا کی شکایت پر حادثہ کا سبب بننے والی نینو کار کے ڈرائیور مرڈیشور کے رہنے والے احمد علی دونّے کے خلاف پولیس نے کیس داخل کیا ہے ۔ مزید تحقیقات جاری ہے ۔