بھٹکل:16؍جنوری (ایس اؤ نیوز) تعلقہ کے یلووڑی کوؤور گرام پنچایت حدود کے ہڈین میں ایک شخص ذہنی دباؤ کی تاب نہ لاتےہوئے زہر پی کر ہلاک ہونے کا واقعہ پیش آیا ہے۔

مہلوک کی شناخت راما ماستی نائک (58) کے طورپر کی گئی ہے۔ موصولہ اطلاعات کے مطابق مہلوک راما پچھلے 6مہینوں سے پیٹ در د میں مبتلا  تھے۔ کنداپور کے نیو میڈیکل اسپتال میں وقفہ بہ وقفہ علاج جاری تھا۔ 12جنوری کی رات9 بجے گھر سےنکلے راما ، راستے میں ہی زہر پی کر ہڈین اسکول کے قریب بے ہوشی کے عالم میں پائے گئے۔ وہاں سے انہیں لےکر علاج کے لئے اُڈپی کے آدرش اسپتال میں داخل کیاگیا لیکن علاج کارگر نہ ہونےکی وجہ سے وہ جمعرات کی رات ہلاک ہوگئے۔ مہلوک کے پسماندگان میں تین بیٹے اور ایک بیٹی ہے۔ پولس نے جائے وقوع پر پہنچ کر معائنہ کرنے کے بعد بھٹکل مضافاتی پولس تھانے میں کیس درج کرلیاہے۔