سرسی کے قریب تیز رفتار کار بریج سے گرگئی؛ ندی میں ڈوب کر تین کی موت، مزید دو لاپتہ ہونے کا شک

Source: S.O. News Service | By I.G. Bhatkali | Published on 16th October 2020, 1:53 AM | ساحلی خبریں |

سرسی 15 اکتوبر (ایس او نیوز) ایک تیز رفتار کار بے قابو ہوکر سرسی اور سداپور کے درمیان واقع کوڈن منے بریج سے نیچے گرگئی جس  کی وجہ سے کار پر سوار تین لوگ ہلاک ہوگئے، جبکہ ایک یا دو لوگ ندی میں غرق ہوکر لاپتہ ہوگئے۔

ذرائع سے  ملی اطلاع کے مطابق حادثہ بدھ کی شام کو پیش آیا تھا مگر آج جمعرات دوپہر کو لوگوں نے کار کو ندی میں تیرتے دیکھ کر پولس کو حادثہ کی جانکاری دی۔

پتہ چلا ہے کہ بدھ  کی شام کو  ہبلی سے تعلق رکھنے والے چار لوگ  سداپور تعلقہ میں واقع  معروف سیاحتی مقام  اُونچلّی فالس کا نظارہ کرنے  کے بعد واپس ہبلی جانے کے لئے نکلے تھے کہ  سرسی کے قریب سداپور تعلقہ کے کوڈن  منے بریج سے ان کی کار سیدھے ندی میں جاگری۔

جمعرات کو جب وہاں سے گزرنے والے لوگوں نے   کار کو ندی میں تیرتے ہوئے دیکھا تو فوری ان کی مدد کو پہنچ گئے اور مقامی پولس کو بھی واقعے کی جانکاری دی۔ بعد میں رسیوں کی مدد سے  کار کو اوپر کھینچتے ہوئے  کار کے اندر موجود نعشوں کو باہر نکالا گیا۔

جن تین لوگوں کی نعشیں برآمد کی گئی ہیں، اُن کی شناخت  نشچل ہیرے مٹھ،  روشن اور سشما کی حیثیت سے کی گئی ہے، ان تینوں کی عمر قریب 20 سال بتائی گئی ہیں۔

بعض لوگوں نے  مزید دو لوگوں کے ندی میں ڈوب کرلاپتہ ہونے کا شک ظاہر کیا تو بعض لوگوں نے بتایا کہ مزید ایک لڑکی اکشتھا (21) لاپتہ  ہے، جس کی تلاش  رات تک جاری تھی۔

واقعے کی اطلاع ملتے ہی کاروار سے ایس پی شیو پرکاش دیوراج سمیت  سرسی ڈی وائی ایس پی  جے ٹی نائیک اور پولس کے دیگر اہلکار جائے وقوع پر پہنچ گئے۔ مقامی لوگوں کی مدد سے کار کو باہر نکالا گیاہے، پولس مزید چھان بین کررہی ہے۔

 

ایک نظر اس پر بھی

ہوناورمیں ہوئے پریش میستا قتل معاملے میں بی جے پی کا ہاتھ، کانگریس لیڈر بی کے ہری پرساد نے سپریم کورٹ کے ریٹائرڈ جج کی نگرانی میں جانچ کا کیا مطالبہ

کانگریس لیڈراور ودھان پریشد رکن مسٹر بی کے ہری پرساد نے آج بھٹکل میں منعقدہ پریس کانفرنس میں اس بات کا دعویٰ کیا ہے کہ چار سال قبل پٖڑوسی تعلقہ ہوناور میں ہوئے ایک 21 سالہ نوجوان پریش میستا کے قتل میں بی جے پی کا ہاتھ ہے۔

بھٹکل میں کانکریٹ مکسنگ کرنے والی سواری اُلٹ گئی؛ ایک کی موت دوسرا شدید زخمی

کانکریٹ مکسنگ کرنے والی سواری اُلٹ جانے کے نتیجے میں ایک شخص کی موت واقع ہوگئی جبکہ ڈرائیور شدید زخمی ہوگیا۔ حادثہ تعلقہ کے کُںٹوانی آروکی نامی مقام پرمنگل دیر رات کو پیش آیا۔ بتایا گیا ہے کہ سڑک کنارے کی ڈھلان پر سواری بے قابو ہوکر اُلٹ گئی تھی۔ مرنے والے کی شناخت ...

بھٹکل میں بدھ 8 ڈسمبر کو ہوگی عظیم الشان شعرو نغمہ کی محفل؛ ساحل آن لائن پرمشاعرہ ہوگا لائیو

بدھ 8 ڈسمبر کو بھٹکل نوائط کالونی میں عظیم الشان شعرو نغمہ کی محفل "محفل یاراں"  کا انعقاد کیا گیا ہے جس میں مشہور بین الاقوامی شعراء سندر مالیگاوں، الطاف ضیاء، نجم حسن پرتاپ گڑھی، سمیع اللہ برماور بھٹکلی، شکیل بھارتی، سفیان پرتاپ گڑھی، عدنان پرتاپ گڑھی وغیرہ شعراء کرام او ...

بابری مسجد کی 29ویں یوم شہادت پر ایس ڈی پی آئی نے بھٹکل سمیت ملک کے کئی شہروں میں کیا احتجاجی مظاہرہ

سوشیل ڈیموکریٹک پارٹی آف انڈیا (ایس ڈی پی آئی) نے بابری مسجد کی 29ویں یوم شہادت پر "بابری مسجد کی دوبارہ تعمیر تک ہماری جدوجہد جاری رہے گی" عنوان  کے تحت بھٹکل سمیت ملک بھر میں احتجاجی مظاہروں کا انعقاد کیا۔ جس میں خواتین سمیت ہزاروں پارٹی کارکنان اور عوام شریک رہے۔

بھٹکل بدریہ کالونی میں نوجوان پر حملہ کا معاملہ؛ دکشن کنڑا اور اُڈپی سے آئے تھے حملہ آور، پڑوسی اضلاع میں پہلے سے چل رہے ہیں مقدمات

پیر کی شب  بدریہ کالونی میں ہوئے ایک نوجوان صدام حُسین پر  حملہ کے تعلق سے پولس  نے بتایا کہ  اس پر جانوروں کو چرانے والے ایک گینگ نے حملہ کیا تھا۔

اُردو اور نائطی شاعر عبداللہ رفیق کے انتقال پرمختلف اداروں کی جانب سے خراج تحسین

بھٹکل کے اُردو اور نوائطی شاعر جناب عبداللہ رفیق صاحب دو روز قبل سنیچر کو انتقال کرگئے۔ انا للہ و انا الیہ راجعون۔ ان کے انتقال پر مختلف اداروں کی جانب سے انہیں خراج عقیدت پیش کیا گیا ہے اور کئی اداروں میں تعزیتی اجلاس بھی منعقد کرتے ہوئے ان کے حق میں دعائے مغفرت کی گئی ہے۔